Круиздік лайнерді тек сән-салтанат емес, көлік ретінде пайдалану жайлы не білесіз?
Қазақстан мұхиттардан шалғай орналасқан және біздің елден шығатын круиздер туралы ақпарат жоқтың қасы десе болады. Алғаш круиздік сапарға шығуды жоспарлаған отандастарымыз осындай қиындықтарға тап болары анық.
Мысалы, сіз балаларыңызға Рождестволық Еуропаны көрсеткіңіз келсе, 4 елдің 6 қаласын аралайтын заманауи круиздік кемеде Жерорта теңізі круизі керемет сапар болады. Мұндай сапар ойыңыздан барынша шығары анық, бірақ ойлағандай нәтижеге жету үшін бүге-шігесіне дейін жоспарлау қажет. Круизді қалай ұйымдастыруға болады және оның құны қанша, круиздік лайнердің шығатын қаласына қалай бару керек, круизде демалудың ерекшелігі, балалармен саяхаттауда нені ескеру қажет және бәрін алдын ала қалай жоспарлау керектігін ойлау міндетті болып табылады. Енді бәріне ретімен тоқталсақ.
Жалпы мәлімет
Лайнер – жайлы каюталары мен мейрамханалары бар үлкен қалқымалы қонақүй, мұнда круиздік компаниялар көптеген ойын-сауық түрлерін ұсынады: би, шоу, дискотека және басқа да іс-шаралар.
Заманауи лайнерлерде ашық және жабық бассейндері бар аквапарк, джакузи, СПА бар. Бір жастан 17 жасқа дейінгі балаларға арналған ойын клубтарында сіз балаңызды аниматорлардың бақылауында қалдыра аласыз. Бортта шынайы аттракциондар, ойын автоматтары мен казино залдары, роллердром, боулинг, HD-кинотеатр, спорт алаңы, тіпті бамперлік автомобильдер бар. Дене шынықтыруды ұнататындар үшін спорт залы да бар. Кешкі ойын-сауыққа duty free дүкендер, мейрамханалар, бар және шоколад фабрикасы орналасқан променадта серуендеу кіреді.
Ең бастысы, жолаушылар тәтті ұйқыда жатқанда лайнер сиқырлы таяқшаның көмегімен оларды басқа қалалар мен елдерге апарып, ұмытылмас шытырман оқиғаға куә етеді.
Сіз жылдың кез келген уақытында круизге арналған дұрыс бағытты таңдай аласыз. Ең танымал бағыттар: Еуропа, Америка, Оңтүстік-Шығыс Азия және Парсы шығанағы елдері.
Жолға шығайық
7 түнге арналған классикалық бағыт тұтынушылар арасында ерекше танымал: Барселона (Испания) – Марсель (Франция) – Генуя (Италия) – Чивитавеккья (Рим, Италия) – Палермо (Сицилия аралы, Италия) – Валетта (Мальта) – Барселона (Испания).
Алып кеме-қонақүйге отырғызу жылдам жүзеге асырылады, каютаға кірер алдында сіз лайнердің барлық инфрақұрылымын, соның ішінде мейрамханаларды пайдалана аласыз. Осылайша, жолаушылар теңізде алғашқы күннің батуын жағымды музыка мен коктейльмен қарсы алады. Күнде таңертең олар жаңа қалада оянады және дәмді таңғы астан кейін Марсельдегі шіркеуден Генуядағы Христофор Колумбтың үйіне дейін шытырманға толы сапарға аттанады.
Римде сіз Ватикан, Әулие Ангел сарайы, Пантеон, Навона алаңына барып, Треви субұрқағын тамашалай аласыз. Кей кезде суы құрғаған субұрқақ түбінен туристер қалдырған миллиондаған еуроны қайырымдылыққа жіберу үшін қалай алып жатқанын да тамашалау бақытына ие бола аласыз.
Сицилияның астанасы Палермо қаласы, тар көшелерімен және ерекше сәулетімен шынайы итальяндық дәмімен мәңгілік есте қалады. Негізгі көрнекті орындардан басқа, жолаушылар Капуцин катакомбасы сияқты ерекше орынға бара алады.
Валлетта порты орталыққа жақын орналасқан. Мальта рыцарларының астанасы кішкентай, сондықтан лайнермен барлық көрікті жерлерді айналып өтуге және тіпті Бастиондағы зеңбіректен оқ атуды тамашалау үшін тоқтауға жеткілікті уақыт бар. Талғампаз саяхатшылар ежелгі Мдина қаласына да бара алады.
Еуропаның ең әдемі қалаларының бірінде өткізген әрбір күннен кейін жолаушылар круиздік кемеге оралады, онда олар A la Carte мейрамханасында кешкі ас ішеді.
Балалармен саяхаттау
Балалармен саяхаттау үшін круиздік лайнер таптырмас орын! Балаларды күні бойы балаларға арналған клубтарда қалдыруға болады, кейде круиздің ұзақтығына қарай арбалар беріледі. LEGO-мен серіктестікте үлкен ойын бөлмелері жабдықталған, сонымен қатар балалар түрлі жарыстарға қатыса алады, PlayStation, үстел футболы мен теннисін ойнай алады. Жасөспірімдер үшін танымал музыкасы бар заманауи демалыс бөлмесі және алкогольсіз сусынды бар орналасқан.
Мұның бәрі ата-аналарға демалуға, шоуға баруға немесе романтикалық кешкі ас ішуге мүмкіндік береді.
Пайдалы кеңестер
- Алматыдан Миланға Генуяға трансфермен рейстер бар. Миланда сіз дүкен аралау мен серуендеуге бірнеше күнге тоқтай аласыз.
- Лайнерге кешігіп қалмас үшін ұшатын қалаға рейсті бір күн бұрын таңдаңыз.
- Круиздік сатып алу кезінде Best Drinks және "Интернет" пакеттерін брондаңыз. Осылайша сіз ерте брондау кезінде үнемдеу арқылы барлығын қамтитын жайлы мүмкіндікке ие боласыз.
- Круизді алдын ала жоспарласаңыз, акциялар мен арнайы ұсыныстар сізді таң қалдырады.
- Лайнер басқа бағытқа ауыстырылған кезде круиздерді қайта орналастыру - қолжетімді бағамен көптеген елдерге барудың тамаша мүмкіндігі.
Құны
Жоғарыда сипатталған Жерорта теңізі круизінің құны балконы бар каютада 2 ересек және 2 бала үшін шамамен 2000 еуроны құрайды. Бұл сома сонымен қатар сусындар пакетін, интернет және әртүрлі төлемдерді, сондай-ақ ерекше саяхат тәжірибесін қамтиды десе болады.
Қазақстаннан келетін круиздер енді ұшу, тұратын жер және трансфермен бірге дайын тур форматында қолжетімді. ORBI TRAVEL туристік агенттігі сіз үшін ең жақсы круиздік бағыттарды оңай таңдайды - бұл үшін агенттіктің Instagram аккаунтына кіріп, Telegram арнасына жазылыңыз немесе веб-сайтқа кіріп толық мәлімет алыңыз.
Саяхат қызықтары мен пайдалы ақпаратты Instagram және Facebook парақшаларынан оқи аласыз!
