Кипрде туристер үшін кіру ережелері жеңілдетілді

Кипр Республикасының билігі 18 сәуірден бастап бірқатар антиковид шарасынан бас тартады. Осы аптадан бастап Кипрге кіру ережелері ерекшеленген елдерді түспен санатқа бөлуді және CyprusFlightPass нысанын міндетті толтыру туралы талапты жояды, - деп хабарлайды Kaz.tengritravel.kz тілшісі АТОР сайтына сілтеме жасап.

Кипрге кіру үшін вакцина алған туристерге тек вакциналау паспорты қажет. Қазақстандықтарға қолжетімді вакциналардың ішінде Pfizer, "Спутник V", Sinopharm (Vero Cell) және Sinovac (Corona Vac) екпесіне рұқсат етілген. Вакцина салдырмағандарға ұшудан 72 сағат бұрын ПТР-тестінің теріс нәтижесі немесе отырғызудан 24 сағат бұрын антигенге тест қажет болады. 12 жасқа дейінгі балалар тестілеуден босатылған. 18 сәуірден бастап вакцина алмаған саяхатшылар үшін міндетті ақылы тест өткізілмейді.

18 сәуірден бастап CyprusFlightPass-тың күшін жоюы туристер, мысалы, мейрамханалар мен дәмханаларға барған кезде өздерінің антиковид мәртебесін растайтын медициналық құжаттарды ұсынудан босатылады дегенді білдірмейді. Бұл жағдайда оларға SafePass қажет болады: оның баламасы вакцина сертификаты немесе коронавирусты тестілеу туралы анықтама болуы мүмкін. Құжаттар ағылшын тілінде QR-коды бар баспа немесе электрон түрде болуы тиіс.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!