Барселона зообағында арыстандар COVID-19 жұқтырған

Испанияда зообақтағы арыстандар COVID-19 жұқтыруына байланысты тергеу жүріп жатыр. Қазіргі уақытта жыртқыштарға барлық қажетті көмек көрсетіліп жатыр екен. Олардың жағдайы жеңіл деп бағаланады, шамамен қарапайым тұмау формасына ұқсас. Арыстандар барлық процедураларды оңай өткен, - деп хабарлайды Kaz.tengritravel.kz порталы bbc.com басылымына сілтеме жасап. 

Жыртқыштар ауру жұқтырды деген күдік пайда болған уақытта, оларға қажетті сараптамалар жүргізілген, соның нәтижесінде олардан COVID-19 инфекциясы анықталған. Арыстандардың ересектері де балалары да ауру жұқтырған. Сондай-ақ, зообақтың бірнеше қызметкері де ауру жұқтырған. Арыстандар басқа жыртқыштармен байланыспаған, олар арнайы изоляторға ауыстырылды, алайда зообақ қарапайым режимде жұмыс істеп тұр. 

Жергілікті ветеринариялық қызметтер АҚШ-тағы әріптестерінен ақпаратпен бөлісуде сұраған. Айта кетейік, көктемде осындай жағдайлар болған және оқиғаның мән-жайы жіті тексеріліп жатқан көрінеді.