Әзербайжан әуежайлары ақпанға дейін жабық болады

Әзербайжанда күнделікті жолаушылар тасымалы 2021 жылдың 31 қаңтарына дейін қызмет көрсетпейді, - деп хабарлайды Kaz.tengritravel.kz порталы елдегі әуекомпанияларының баспасөз қызметіне сілтеме жасап. 

Коронавирусқа байланысты жарияланған карантин уақытында тек республиканың министрлер кабинетіне қарайтын жедел штаб рұқсат берген жағдайда арнайы рейстер ғана жүзеге асырылады.

Мұндай шара елдегі санитарлық-эпидемиологиялық ахуалдың қиындауына байланысты енгізіліп отыр екен. Билік өкілдерінің ойынша, қатаң карантин режимінің арқасында инфекцияның таралуы азаяды. 

Қазіргі уақытта әуе және жер бетіндегі шекаралар жабық, кіре де алмайсыз, шыға да алмайсыз. 

Айта кетейік, республиканың әр өңірінде 6 халықаралық әуежай бар. Статистикаға сәйкес, әуежайлар бес миллионнан аса жолаушыны тасымалдаған.