Әйгілі туристік орын қатты жел салдарынан теңізге құлады

20 мамыр 2021 12:02

Галапагос аралдарындағы әйгілі жер - Дарвин аркасы қатты жел салдарынан теңізге құлады. Бұл туралы BBC News жазады, - деп хабарлайды Кaz.tengritravel.kz порталы Lenta.ru басылымына сілтеме жасап.

Эквадор Қоршаған орта министрлігінің мәліметінше, бұл табиғи эрозия процестеріне байланысты болды.

Көрнекті орын сүңгу үшін ең қолайлы орын болып саналған. Туристер арасында танымал жартас Дарвин аралынан бір шақырымдай қашықтықта орналасқан. Галапагос архипелагы ЮНЕСКО-ның қорғауында, оның құрамында 234 арал бар және олардың төртеуінде 30 мыңға жуық адам тұрады.