Аустралияда сегізаяқ туриске шабуыл жасады - видео

Батыс Аустралияның жағажайында турист сегізаяқтың шабуыл жасаған сәтін видеоға түсірді. Бұл туралы РИА Новости басылымы BBC-ге сілтеме жасап жазады.

Сегізаяқ геолог Ланс Карлсонға шабуыл жасады. Ол отбасымен бірге демалып жатқан курорттың жанында шомылып жүрген.

Турист суға жақындағанда скат (балықтың түрі - ред.) көрдім деп ойлайды. Бірақ ол жақындағанда сегізаяқ екенін көреді. Оның қасында екі жасар қызы болған.

"Ол бізге шабуыл жасады, шошып кеттік", - деді Карлсон. Сегізаяқ оның қолын, содан кейін мойны мен арқасын күйдірген.

Кейін Карлсон суға жалғыз кірген және сегізаяқ оған тағы шабуыл жасаған.

"Менің көзілдірігім буланып кетті, су да кенеттен бұлыңғырланды. Тек таңғалғаным есімде", - деді турист.

Ол бұрын құтқарушы болған. Сондықтан мұндай жағдайда не қолдану керегін біледі және күйген жеріне кола құйған. Карлсон сірке суын қолданса, тіпті тиімдірек болатынын айтты. Алайда қасында ол болмаған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!