Видео кадры Видео кадры

Афинада карантинге байланысты жаппай тәртіпсіздік басталды


Афинада жаппай тәртіпсіздік басталды. Қала тұрғындары қатаң карантин 6 қаңтарға дейін ұзарғанына наразы болған, - деп хабарлайды Tengrinews.kz тілшісі РИА Новостиге сілтеме жасап.

Тәртіпсіздік Афинаның солтүстігіндегі Аспропиргос қалашағында болған. Толықтай карантин 17 желтоқсанда Аттика облысының үш ауданында (Аспропиргос, Элевсин және Мандра) енгізілген. Алайда төтенше жағдай бастапқыда 30 желтоқсанға дейін, ал кейін 6 қаңтарға дейін ұзарған.

Ковид-диссиденттер мен қатаң шараларға наразылар Аспропиргостың Горица ауданында бейбіт шеруге шыққан, оны жергілікті телеарналар тікелей эфирде көрсеткен, сосын қатысушылардың бір бөлігі полицейлерге Молотов коктейльдерін лақтыра бастаған.

"Аудан шайқас алаңына айналды. 10 минут бойында үздіксіз жарылған Молотов коктейльдерінің дыбысы естілді. Полиция көзден жас ағызатын газ қолданып, наразыларды таратуға тырысты", - деп жазады басылым.

Хабарға қарағанда, тәртіпсіздікке шамамен 100 адам қатысқан. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!


Осыған ұқсас мақалалар

Ғалымдар коронавирустың "ұлыбританиялық" штамының алғашқы фотосын түсірді Ғалымдар коронавирустың "ұлыбританиялық" штамының алғашқы фотосын түсірді
Еуропалық тағы бір елі туристер үшін ашылады Еуропалық тағы бір елі туристер үшін ашылады
"Біз жазды асыға күтеміз". WTTC туризмнің қалпына келуі жайында оптимистік болжам жасады "Біз жазды асыға күтеміз". WTTC туризмнің қалпына келуі жайында оптимистік болжам жасады