Абхазияда көшеде шомылу киімімен жүргендерге салынатын айыппұл 20 есе өсті

04 тамыз 2023 08:37

Абхазияда сейсенбіден бастап көшеде шомылу киімімен немесе кеудесін жалаңаштаған адамдарға салынатын айыппұл мөлшері 20 есе өсті. Енді мұндай ережені бұзғандарға - 6 мың рубль (шамамен 29 000 теңге) айыппұл салынады, - деп хабарлайды Tengritravel.kz тілшісі.

Республиканың барлық қалаларында ақпараттық стендтер ілініп, туристерге ескертілуі тиіс.

Бұрындары мұндай ережені бұзғандарға небары 300 рубль (1416 теңге) айыппұл салынатын.

Ұнамсыз киім кигендерге барлық қоғамдық орындарда - көшелер, стадиондар, саябақтарда (тек жағажай мен шомылу аймақтарынан басқа жерде) айыппұл салынады.

Саяхат қызықтары мен пайдалы ақпаратты Instagram және Facebook парақшаларынан оқи аласыз!