2023 жылы Жердегі ең үздік жағажай рейтингінде Таиланд көш бастады

Ұлыбританиялық World Beach Guide сайтының тұжырымы бойынша таиландтық бес жағажай "2023 жылы жердегі үздік жағажайлар" рейтингіне енді. Тіпті біреуі осы тізімде көш бастады, қалған төртеуі үздік 100-ге енді, - деп хабарлайды Tengritravel.kz тілшісі.

"2023 жылы жердегі үздік 100 жағажай" рейтингінде бас жүлдені тай жеріндегі Ко Крадан аралындағы жағажайы жеңіп алған. Ол Транг провинциясының жағалауында орналасқан.

Ко Крадан аралы Таиландтың Андаман жағалауында орналасқан Транг 40 аралының бірі. Көршілес Ко Мук аралымен салыстырғанда мұнда "жаппай" туристік инфрақұрылым жоқ, тек бірнеше шағын курорттар мен дүкендер бар, ал аралдың көп бөлігі Хат Чао Май ұлттық паркіне жатады.

"2023 жылы жердегі үздік 100 жағажай" тізіміндегі тағы төрт таиландтық жағажай:

• Railay Beach - 9 орын;
• Freedom Beach - 18 орын;
• Laem Had Beach - 21 орын;
• Ао Tanote Bay - 44 орын.

Рейтингтің толық тізімін мына сілтеме бойынша көре аласыз.

Саяхат қызықтары мен пайдалы ақпаратты Instagram және Facebook парақшаларынан оқи аласыз!