166 жолаушысы бар Boeing әуеде бағытын өзгертуге мәжбүр болды

Америкалық United Airlines әуекомпаниясына тиесілі Boeing 737 ұшағы алдыңғы терезесінің жарықшақ пайда болуына байланысты дереу бағытын өзгертті, - деп хабарлайды Tengritravel.kz тілшісі The Independent басылымына сілтеме жасап.

Лас-Вегастан Вашингтонға ұшқан бортта тосын жағдай тіркелді. Ақауға байланысты лайнер Денверге қонуға мәжбүр болды. Ұшақта 166 жолаушы және 7 экипаж мүшесі болған.

United Airlines өкілі журналистерге берген сұхбатында, ұшақтың техникалық қызмет көрсету мәселелеріне байланысты бағытын өзгертті деп айтқан. Әуекомпаниядағылар ұшақтың жерге сәтті қонғанын және жолаушылардың басқа бортқа отырғызылғанын мәлімдеді.

Саяхат қызықтары мен пайдалы ақпаратты Instagram және Facebook парақшаларынан оқи аласыз!