Туристер жиі тоналатын орындар аталды

Саяхаттап жүріп барыңыздан айырылып қалмас үшін дүниеңізге ие болу керек орындар аталды. Яғни мұндай жерде бағалы заттар бар сөмкеңізді көзден таса қылмаған жөн, - деп хабарлайды Tengritravel.kz тілшісі TravelRambler басылымына сілтеме жасап.

Әдетте ұрылар, олар қалта ұрысы, үйге түсетіндері болсын бәрібір, адамның демалысқа шыққандағы жайбырақаттылығын пайдаланады.

Реклама
Реклама

Әуежай

Бір қарағанда әуежай ең қауіпсіз орын ретінде көрінеді. Бірақ мүлде олай емес. Иә, әуежайда әр аттаған сайын бейнекамера, бірақ ұрылар камера түспейтін орындарды жаттап алған. Сондықтан камера мен күзетке сеніп, қапы қалып қалмаңыз.

Қонақүйдегі сейф

Қонақүйге түсетін ұрылары әдетте сейфті толықтай көтеріп алып кетеді және мұны күзет байқамай да қалатын кездер жиі болады екен. Сондықтан ақшаңызды бірден ойға келмейтін орындарда ұстаңыз.

Көшеде

Туристтік жерлерде көшеде де қалтаңызға қол салатындар бар. Бірақ қалта ұрылары ғана емес, әңгіме алаяқтар туралы. Олар ақша айырбастағанда немесе сатып алу кезінде қайтарым ақшаның номиналымен алдайды. Сондықтан қолма-қол ақшамен қандайда сатып-алу жүргізсеңіз өте абай болған жөн. Әсіресе туристтік орындарда.

Саяхат қызықтары мен пайдалы ақпаратты Instagram және Facebook парақшаларынан оқи аласыз!