Стюардесса ұшақ бортына кірген жолаушылармен неліктен амандасу керегін түсіндірді

Америкалық стюардесса Сьерра Мист TikTok желісіндегі парақшасында видео жариялады, онда ол бортсеріктердің ұшақ бортына кірген жолаушылармен амандасуының жай ғана ілтипаттылық еместігін айтты, - деп хабарлайды Express.

Осы арқылы бортсеріктер лайнердің болашақ жолаушыларына баға береді. Әсіресе, олар төтенше жағдай кезінде экипаж мүшелеріне көмектесе алатын адамдарды іздейді: дәрігерлер мен медбикелер, әскерилер, полиция қызметкерлері мен бұрынғы бортсеріктер. 

Мисттің айтуынша, бортсеріктер мынадай жолаушыларға назар аударады: "денсаулығы мықты, салқынқанды, бортсеріктерді айтқызбай-ақ түсінетін және физикалық жағдайы өте күшті адамдарды". 

Сонымен қатар, әуе саласының мамандары көмек қажет болуы мүмкін адамдарды да бақылайды. Видео авторының айтуынша, бортсеріктер көбірек мәлімет алу үшін жолаушылармен әңгімелесуі мүмкін.