Шетелдік туристер Бозжыра шатқалындағы құрылысқа қатысты пікір білдірді


Франция, Африка, Ауғанстан және Қазақстан туристері Бозжыра шатқалында қонақүй салу жоспары туралы пікір білдірді, - деп хабарлайды Tengrinews.kz тілшісі "Лада" басылымына сілтеме жасап.

Шетелден келген саяхатшылар шатқалда бутик-қонақүй салуға наразы екенін айтты. Шетелдік қонақтардың видеоүндеуін жергілікті тур ұйымдастырушысы және саяхатшы Сергей Хачатрян жариялады. Оның "Бұл жерге қонақүй салуға қатысты не ойлайсыз?" деген сұрағына, әр елден келген қонақтар жауап берді:

"Қарсымын, түбегейлі қарсымын. Бұл жерде құрылыс болмау керек, бұл - талқандау", - дейді туристер.

Бұған дейін Сергей Хачатрян Бозжыра шатқалында шақпатастың үйіндісін видеоға түсірді. Желі пайдаланушылары мұны шатқалда қонақүй құрылысының басы деп болжады. Маңғыстау облысы әкімінің баспасөз қызметіндегілер шақпатас инвесторлар командасының қонақүй салатын орнына барғаннан кейін қалғанын түсіндірді.

Еске салайық, 7 қарашада Желіде Бозжыра шатқалында құрылыс техникасы әкелінгені түсірілген видео жарияланды. Сол күні Маңғыстау облысында Rixos Water World Aktau қонақүйін салған инвесторлар облыс территориясында "Бозжыра сафари-отель" бутик-қонақүйін салуды ұсынғаны белгілі болды.

Экология, геология және табиғи ресурстар министрлігіндегілер Бозжырадағы нысанның құрылысы заңға сәйкес қоғамдық талқылаудан, экологиялық сараптамадан, қоршаған ортаға әсерінің бағалауынан өтуі керек екенін айтты. 

Сарапшылар Бозжыра шатқалында құрылысқа тыйым салудың алты себебін атады. 

Басылымының мәліметінше, 10 қарашада шатқалдан құрылыс техникасы шығарылған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!


Осыған ұқсас мақалалар

Ұшақ суға құлаған сәтте жолаушылардың қалай аман қалу жолдары айтылды Ұшақ суға құлаған сәтте жолаушылардың қалай аман қалу жолдары айтылды
Туристер саяхатқа шыққанда қай тілде сөйлейді Туристер саяхатқа шыққанда қай тілде сөйлейді
Ұшақта өрт шыққанда аман қалу мүмкіндіктері қандай? Ұшақта өрт шыққанда аман қалу мүмкіндіктері қандай?