Әуежайда чемоданыңызды бүлінуден сақтаудың оңай әдісі табылды

 Әуежай қызметкері ұшу кезінде жолаушылар жүктерін қалай сақтауға болатындығы туралы кеңестерімен бөлісті. Әуежайлардың бірінің жүк тасушысы өзекті тақырыпты Reddit порталында жариялады, - деп хабарлайды Tengritravel.kz тілшісі Daily Express-ке сілтеме жасап.

Автордың айтуы бойынша, Fragile (нәзік - ред.) жазуы бар ескертпелер жүк тиеушілерді чемодандарды тиеу кезінде мұқият болуға мәжбүр етеді екен. Бірақ бұл үшін жүктің тым ауыр болмағаны жөн. Тасымалдау кезінде басқаларға қарағанда ауыр салмақты жүк жиі зақымдалады.

"Ішінде нәзік заттар бар екенін ескертетін жазуы бар жеңіл чемодандар әрдайым сақтықпен тиеледі, бірақ олар ауыр болса, қиындау. Салмағы 29 килограммнан аспайтын чемодандарға зақым келмейді. Бірақ, шынымды айтсам, егер сіз заттарыңызды ретімен салмасаңыз, біз де көмектесе алмаймыз", - дейді жүк тиеуші.

Осы тақырыпты талқылау кезінде пікір білдірушілердің бірі ауыр жүгі бар саяхатшыларға заттарын бір үлкен чемоданға емес, екі кішкентай чемоданға салуға кеңес берді. Сонымен қатар, сіз қатты пішінді және төрт дөңгелегі бар чемоданды алсаңыз болады.

Сондай-ақ, багажды сақтандыруды сатып алу ұсынылады. Тасымалданатын жүк қаншалықты құнды болса, сақтандыру бағасы да соғұрлым жоғары болатынын ескеру қажет. Сақтандыру компаниясы MoneySuperMarket сарапшысының айтуы бойынша, сақтандырылған багаж ұшудан кейін көбінесе зақымсыз және сау болып жеткізіледі.

Осыған дейін әуежай қызметкері жүктеріңізді ұшудан кейін жоғалудан қалай қорғауға болатынын айтқан болатын. Атап айтқанда, ол байланыс ақпаратына телефон нөмірі мен мекен-жайын жазуға кеңес береді. Оларды қолдана отырып, әуежайлардың немесе әуе компанияларының қызметкерлеріне жүк жоғалған жағдайда иесін табу жеңіл болады. Сондай-ақ, сөмкеңізден барлық ескі белгілері мен жапсырмаларды уақытында алып тастауыңыз керек. Бұл сіздің заттарыңыз басқа жерге кездейсоқ жеткізілмеуі үшін багаж таспасындағы автоматты сканерлердің қате оқуынан аулақ болуға көмектеседі.