Жетісуда туризм қалай дамуда

Жетісуда туризм белсенді дамып келеді, Балқаш көліне апаратын жол құрылысының аяқталуы, Бұрхан-Бұлақ сарқырамасына апаратын жолды жөндеу жұмыстарының басталуы, жаңа жағажай маусымы үшін Балқаш көлі жағалауының инфрақұрылымын жақсарту сияқты жаңа жобалар – Жетісу өңіріне туристер ағынын тарту үшін жаңа мүмкіндіктер ашады. Осы стратегияның маңызды элементі – Visit Zhetysu туристік орталығының іс-шаралары, олар Жетісуды тартымды туристік бағыт ретінде насихаттауға көмектеседі, отандық туристердің ғана емес, шетелдік туристердің де қызығушылығын арттырады.

Биыл Visit Zhetysu ұйымдастырған кейбір қызықты іс-шараларды назарыңызға ұсынамыз.

Наурыз айында Visit Zhetysu Қытайда Қазақстан туризмі жылы аясында өткен Бейжіңдегі халықаралық көрмеде Жетісу өңірін таныстырды. Жетісудың ерекше табиғи және мәдени нысандары іс-шараға қатысушылардың назарын аударды, бұл өңірдің Аспан асты елінде танымал болуына оң әсерін тигізді.

Мамырда Visit Zhetysu туристік компаниялар және БАҚ өкілдері үшін "Сиверс алма ағашының гүлденуі" атты ерекше іс-шараға ақпараттық тур ұйымдастырды.

Туристік нысанды өнер арқылы насихаттауға ерекше көңіл бөлініп, маусым айында Талдықорған қаласында "Бұрхан-Бұлақ сарқырамасы" муралы салынды, ол тек қаладағы арт-нысан ғана емес, сонымен қатар Бұрхан-Бұлақ сарқырамасын ілгерілетудің қуатты құралына айналды. Бұл бастама Қазақстанның туризмін дамытуға шығармашылық тәсілді қолданудың айғағы.

Маусым айында екінші жыл қатарынан Visit Zhetysu өзінің "Shagan Fest-2024" авторлық тау фестивалін ұйымдастырды, оған Қазақстанның әр түкпірінен 400-ден астам қатысушы жиналып, олар 2551м биіктіктегі Шаған шыңына көтерілді. Сонымен қатар, тамызда алғаш рет Серкешсай шатқалында "My Tekeli" тау туризмінің фестивалі өткізілді. Іс-шараның негізгі мақсаты – қатысушыларды Ескелді ауданы мен Текелі қаласының туристік әлеуетімен таныстыру, тау саяхатын дамыту.

Сурет: Visit Zhetysu

Биыл Қазақстан Президенті Қасым-Жомарт Тоқаев елдің туристік әлеуетін TikTok, Instagram және YouTube сияқты танымал әлеуметтік желілер арқылы ілгерілетудің маңыздылығына назар аударды. Осы мақсатта Бұрхан-Бұлақ сарқырамасына, Алакөл көліне, "Алтын Емел" МҰТП, "Жоңғар Алатау" МҰТП, "Қорғас" ШЫХО, Қапал бағытына, Талдықорған қаласына, Панфилов ауданына, Жаркент-Арасан шипажайына және Жетісудың басқа да нысандарына кең ауқымды ақпараттық турлар (блог-тур, баспасөз-тур, гастро-тур, әдеби тур, медициналық тур) ұйымдастырылды. Әлеуметтік желілерде кең резонанс тудырған іс-шаралардың бірі – "Жұмбақ Қапал" ақпараттық туры болып табылады, онда үздік видеографтар мен фотографтар арқылы Қазақстанға Үшкөл көлдері мен Кемел сарқырамасына жаңа бағыт таныстырылды.

Сурет:Visit Zhetysu, Фархат Кабдыкаиров, Дмитрий Доценко

Шілде айында алғаш рет "Аlakol FEST-2024" авторлық жағажай фестивалі ұйымдастырылды, оған 1000-нан астам көрермен жиналды. Бұл іс-шара оқиғалық туризмді дамытудағы маңыздылығын айқын дәлелдеді. Осындай іс-шаралардың арқасында Алакөл көлі туристердің танымал бағытына айналуда, биыл көлде демалушылар саны 2 миллионнан асты.

Visit Zhetysu халықаралық ынтымақтастықты дамытуды жалғастыруда. Тамыз айында Еуропа мен Азиядан келген туроператорларға арналған ақпараттық тур өткізілді, бұл шетелдік туристерді тартуға ықпал етті. Туристік индустрия өкілдерімен бірлесіп жалпы күш-жігердің нәтижесінде биылғы жылы "Алтын Емел" ұлттық паркіне рекордтық 25000 турист келді, оның 7000-нан астамы шетелдік туристер.

27 қыркүйекте Дүниежүзілік туризм күнін атап өту құрметіне Visit Zhetysu туристік индустриясының үздік өкілдеріне Жетісудың ішкі туризмін дамытуға қосқан үлесін атап өту үшін "Zhetysu Tourism Awards-2024" іс-шарасын ұйымдастырды. Бұл іс-шара өңірдің туристік әлеуетін одан әрі ілгерілетуге ынталандыру болып табылады.

Сурет:Visit Zhetysu

Қазан айында "Алтын-Емел" табиғи паркімен бірлесіп, жұртшылықтың назарын Қызыл кітапқа енгізілген жануарлар санын көбейтуге және сақтауға аудару, экотуризмді дамыту мақсатында жыл сайынғы "Алтын-Емел – Құландар мекені" фестивалі ұйымдастырылды. Фестивальге Қазақстанның түкпір-түкпірінен 500-ден астам қонақ қатысты, оның ішінде жетекші туристік компаниялар, трэвел-блогерлер және БАҚ өкілдері.

Қазан айында Visit Zhetysu "Айналайын" балалар үйінде және ерекше қажеттіліктері бар балаларға арналған мектеп-интернаттарында оқитын балаларға әлеуметтік экскурсиялар ұйымдастырды. 150-ден астам оқушы Жетісудың табиғи және мәдени көрікті жерлерін аралады, бұл балалар үшін танымдық экскурсиялардың маңыздылығын көрсетеді.

Сурет:Visit Zhetysu

Қорытындылай келе, 2024 жыл Visit Zhetysu үшін үлкен жетістіктердің тағы бір сәтті жылы болды деп айтуға болады. Келесі бейнематериалда биылғы Visit Zhetysu іс-шараларының атмосферасын сезіне аласыз:

Туристік ақпараттық орталық Жетісудың тартымды имиджін қалыптастыруға және жаңа туристерді тартуға бағытталған өз жұмысын жалғастыруда, бұл, әрине, экономикалық дамуға және мәдени байланыстарды нығайтуға ықпал ететін болады.

Заманауи маркетингтік құралдарды тиімді пайдалану, блогерлермен және БАҚ өкілдерімен ынтымақтастық, ауқымды іс-шараларды ұйымдастыру және халықаралық көрмелерге белсенді қатысу туризмнің тұрақты дамуына жағдай жасайды. Ұйымның алдында Жетісуды бүкіл әлемнің түкпір-түкпірінен келетін туристерге одан да танымал әрі тартымды етуге көмектесетін жаңа жобалар мен өршіл мақсаттар тұр.