"Тізім жаңартылды". Қазақстандықтар 2024 жылы визасыз қайда ұша алады

Жыл басынан бастап қазақстандықтардың виза ресімдемей-ақ саяхаттау мүмкіндігі артты. Енді Қазақстан азаматтары ұлттық төлқұжатпен 40 елге бара алады, - деп хабарлайды Tengritravel.kz тілшісі.

2023 жылдың қараша айынан бастап визасыз елдердің тізімін Қытай мен Сейшел аралдары толықтырды. Бұл отандық туристер мен бизнесмендерге қолжетімді бағыттардың географиясын кеңейтті. Еліміздің Сыртқы істер министрлігінің сайтында ұсынылған ақпаратқа сәйкес, қазақстандық паспорт әлемнің 30-дан аса елінде емін-еркін жүруге мүмкіндік береді. Дегенмен олардың әрқайсысының тұрақтау уақытында белгілі бір шектеулер бар.

Фото: pexels.com

Визасыз ұзақ уақыт болуға мүмкіндік берген жетекші елдер:

· Грузия - бір жылға дейін;

· Армения - алты айға дейін;

· Сент-Винсент және Гренадиндер - алты айға дейін.

90 күнге дейінгі қысқа мерзімді сапарларға қолайлы елдер келесідей:

· Албания;

· Андорра;

· Әзербайжан;

· Гаити;

· Колумбия;

· Молдова;

· Моңғолия;

· Ресей;

· Түркия;

· Украина.

Алайда, қазақстандықтар Түркияда жарты жылда 90 күнге дейін ғана визасыз бола алатынын ескерген жөн.

Фото: pexels.com

Отандастарымыз төменде көрсетілген елдерге бір айға саяхаттай алады:

· Аргентина;

· Бразилия;

· Вьетнам;

· Доминикан Республикасы;

· Қатар;

· Қытай;

· Оңтүстік Корея (2022 жылғы 1 сәуірден бастап Кореяға кіруге электрондық рұқсат беру жүйесі (K-ETA) іске қосылды;

· Куба;

· Малайзия (елге кіру үшін MDAC электрондық көші-қон картасы қажет, оны елге барар алдын 3 күн бұрын толтыруға болады);

· Мальдив Республикасы;

· Никарагуа;

· БАӘ;

· Сан-Марино;

· Сейшел аралдары;

· Сербия;

· Тунис;

· Филиппиндер;

· Эквадор.

Бұл ретте Барбадоста тұрақтаудың максималды ұзақтығы 28 күн екенін ұмытпаған жөн.

Фото: pexels.com

Қазақстандықтар14 күнге дейін визасыз 4 елге бара алады:

· Гонконг;

· Иран;

· Оман;

· Тайланд (жақында Қазақстанмен визасыз режимді жарты жылға ұзартты).

Фото: pexels.com

Сонымен қатар визаны ұшып барғанда рәсімдеуге мүмкіндік беретін бірнеше ел бар. Атап айтқанда:

· Замбия;

· Индонезия;

· Маврикий;

· Намибия.

Беларусь, Қырғызстан, Тәжікстан және Әзербайжан тәрізді ТМД елдерінде 30 күн болғаннан кейін көші-қон органдарында тіркелу қажет. Ал Өзбекстанда 5 күннен кейін тіркелу керек.

Саяхат қызықтары мен пайдалы ақпаратты Instagram және Facebook парақшаларынан оқи аласыз!