Түркістан әуежайында цифрлық жеке куәлік енгізілді

Түркістан қаласының әуежайында жеке деректерді растау үшін енді e-Gov Mobile қосымшасы арқылы цифрлық жеке куәлікті көрсетуге болады, - деп хабарлайды Kaz.tengritravel.kz тілшісі ҚР Индустрия және инфрақұрылымдық даму министрлігіне сілтеме жасап.

Әуежайда цифрлық жеке куәлікті пайдалану үшін "e-Gov mobile" жүйесінде тіркелген пайдаланушы "Цифрлық құжаттар" сервисіне кіріп, тізімнен жеке куәлікті таңдауы қажет. Әуежайдың тіркеу бөлімінде, сондай-ақ ұшар алдындағы тексеруден өтерде QR-коды бар смартфонның экранын көрсету қажет.

Ішкі рейстерде цифрлық жеке куәлікті пайдалану мүмкіндігі ҚР Индустрия және инфрақұрылымдық даму министрлігінің, ҚР Цифрлық даму, инновациялар және аэроғарыш өнеркәсібі министрлігінің, "Қазақстанның авиациялық әкімшілігі" АҚ-ның, отандық әуе компаниялары мен әуежайларының және "Ұлттық ақпараттық технологиялар"АҚ-ның жүйелерді интеграциялау бойынша бірлесе атқарған күш-жігерінің нәтижесінде іске асырылды.

Цифрлық құжаттар қызметі пилоттық режимде жұмыс істейді және әзірге Нұр-Сұлтан, Алматы, Ақтөбе, Шымкент және Түркістан қалалары арасында қолжетімді. Осы әуежайлардың қызметін пайдалануды жоспарлап отырған жолаушыларға өзімен бірге жеке куәлігінің түпнұсқасын да алып жүрген жөн болады.

Бұған дейін мұндай қызмет Нұр-Сұлтан, Алматы, Ақтөбе және Шымкент қалаларының әуежайларында қолжетімді болатын.

Ең маңызды жаңалықтар - біздің Facebook парақшамызда! Дəл қазір жазылып алыңыз!
Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!