"Сіз неге тауға барасыз?"Алматылықтар көк жайлаудағы туристердің әрекетіне наразы болды

Кейбір туристер Көк Жайлау шатқалын қоқысқа айналдырады. Бұл туралы Kaz.tengritravel.kz тілшісіне Алматы тұрғындары айтып берді.

Алматылық Алан Алдабергеновтің айтуынша, соңғы уақытта Алматы тауларында туристер саны едәуір өсті және олардың көбі демалыс күндері серуендейді.

"Сондықтан екі жыл бұрын мен өзіме ереже орнаттым: демалыс күндері табиғатқа бармаймыз және тауға шықпаймыз. Өйткені ол жаққа тыныштық, қала қарбаласынан алыс табиғатты тамашалау үшін барады. Мұны көпшілік арасында жасау қиын. Дегенмен, бұл жолы әйелім көндірді, мен ұзақ уақыт бойы алғаш рет аптаның адам көп болатын күнінде тауға бардым. Және ондағы жағдайдан көңілім қалды", - деді ер адам.

"Тауға шығып, сол жерде демалатын адамдар көп болды. Бірақ, өкінішке қарай, көпшілігі өзін қалай ұстау керегін білмейді. Олар қоқыс тастап кетті, әр бес метр сайын от жаққан. Барлық жерде темекі тұқылдары, майлықтар және басқа да қоқыстар бар, олардың барлығына қарау мүмкін емес.

Сонымен қатар, тауға шыққан жастар өздерімен бірге динамиктерді сүйреп, музыканы қатты тыңдайды. Неге бұлай жасайтынын білмеймін, өйткені адамдар тауға демалуға, қалада жоқ тыныштықта болуға барады. Бірақ студенттер сүйікті музыкасын тыңдауы керек және бұл дұрыс деп санайды. Алайда, бұл қалыпты жағдай емес. Бұл кештер немесе кинокөрсетілімдер өтетін орын емес. Мұны қалалық саябақтарда жасау керек", - деді Алдабергенов.

Материалдың толық нұсқасын мына сілтемеден оқыңыз.

Автор: Шоқан Алхабаев

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!