Сұрған станциясында пойыз қозғалысы қалпына келтірілді - ҚТЖ

Сұрған станциясында пойыздардың қозғалысы қалпына келтірілді. Онда пойыз рельстен шығып кеткен болатын. Бұл туралы "ҚТЖ "ҰК" АҚ баспасөз қызметінен хабарлады, - деп хабарлайды Tengritravel.kz тілшісі.

10 қазанда сағат 3:50-де учаскедегі көлік қозғалысы ашылды.

"Салдары жедел түрде жойылды. Есіл және Тобыл станцияларының екі қалпына келтіру пойызы, бес техника және 96 адам тартылды. Түнгі уақытқа қарамастан, жұмыс тоқтаған жоқ. Оқиға орнында "ҚТЖ" ҰК " АҚ комиссиясының оқиға себептерін тергеу басталды, - деп хабарлады компания.

Есіл – Құсмұрын учаскесінің Сұрған станциясында 9 қазанда сағат 17:40-та пойыздың электровозы мен жүк вагондары рельстен шығып кетті.

Саяхат қызықтары мен пайдалы ақпаратты Instagram және Facebook парақшаларынан оқи аласыз!