Шетелдіктердің Қазақстанда тұрақты тұруына рұқсаттар ресімдеу қағидалары өзгерді

Шетелдіктердің Қазақстанда тұрақты тұруына рұқсаттар ресімдеу қағидаларына өзгерістер енгізілді. Енді рәсім паспортты көрсетуді талап етіледі, - деп хабарлайды Tengritravel.kz тілшісі Қазақстанның Ішкі істер министрлігінің баспасөз қызметіне сілтеме жасап.

Қазақстанда олармен көші-қон келісімдері бар елдердің азаматтары біздің елімізге ішкі құжаттармен кіре алады, шыға алады, транзитпен өте алады, жүре алады және уақытша бола алады.

Алайда, шетелдіктің Қазақстан Республикасында тұрақты тұруына рұқсат алуы үшін шетел азаматының немесе азаматтығы жоқ адамның жеке басын куәландыратын және олардың құқықтық мәртебесін растайтын құжат ретінде шетелдік паспорт қажет.

Қолданыстағы заңнамаға сәйкес келтіру үшін 6 қаңтар күні ІІМ-нің бұйрығымен тұрақты тұруға рұқсаттар ресімдеу қағидаларына өзгерістер енгізілді.

Енді шетелдіктерге тұрақты тұруға өтініш берген күні жарамдылық мерзімі кемінде 180 күнтізбелік күнді құрайтын өзінің шетелдік паспортын ұсыну қажет.

Уақытша тұруға рұқсаттар алу үшін тұрғын үй иесінің, оның атынан сенімхат бойынша әрекет ететін адамның баруы не болмаса меншік иесінің нотариалды расталған келісімі қажет.

Өзгерістерге сәйкес рұқсатты ресімдеген кезде көрсетілетін мекенжайда оның тіркеу коды болуы тиіс.

Осы шаралар шетелдіктерді жоқ мекенжайларға, сондай-ақ өтініш иесіне қатысы жоқ мекенжайларға тіркеу мүмкіндігін жою мақсатында қабылданды.

Еске салайық, 27 қаңтарда Қазақстанда визаран деп аталатын көшіп келушілердің келу және болу ережелерін өзгерту күшіне енді.

Енді Қазақстанға кіру үшін виза талап етілмейтін шетелдіктер елде 30 күн бола алады. Бірақ 180 күн (алты ай) ішінде олардың жалпы болу мерзімі 90 күннен аспауы керек.

ЕАЭО азаматтары Қазақстанда 180 күн ішінде 90 күннен аспайтын мерзімде бола алады.

Саяхат қызықтары мен пайдалы ақпаратты Instagram және Facebook парақшаларынан оқи аласыз!