Саяхатта қоғамдық Wi-Fi-ды қалай қауіпсіз пайдалануға болады

Саяхатта Интернет жақын адамдармен байланыста болуға ғана емес, оның көмегімен туристер маршруттар құрып, такси шақырып, тамақ жеткізуге тапсырыс береді. Роуминг қосылмаған және жергілікті SIM картасы болмаған кезде қоғамдық Wi-Fi көмекке келеді. Ал, қоғамдық Wi-Fi-ды пайдаланғанда жеке деректеріңізді қалай қорғауға болатыны туралы Kaz.tengritravel.kz материалында.

Мемлекеттік техникалық қызметтің баспасөз қызметінің мәліметінше, хакерлерді электрондық пошталар мен чат хабарламалары, суреттер, парольдер және басқа да құпия ақпарат сияқты жіберілген файлдар, сондай-ақ әртүрлі қызметке кіру деректері қызықтырады. Олар бұл ақпаратты Wi-Fi желілері арқылы ала алады. Көп жағдайда мұндай деректер ешқандай жолмен қорғалмайды, сондықтан қоғамдық Wi-Fi-ға қосылу әрқашан қауіп-қатерге толы.

1. Екі факторлы аутентификациясы бар қызметтерді пайдаланыңыз.

Екі факторлы аутентификацияның арқасында тіркелуге тек сенімді құрылғыдан кіруге болады.

2. Антивирус бағдарламасын қолданыңыз.

Вирусқа қарсы заманауи шешімдер құрылғыңызды жұқтыру қаупін азайтуға көмектеседі.

3. Құпиясөзі жоқ Wi-Fi-ға сенбеңіз.

Көбінесе дәл осындай желілерді хакерлер жеке деректерді ұрлау үшін пайдаланады.

4. Ешқашан құпия деректерді енгізбеңіз.

Әрқашан жалпыға қолжетімді Wi-Fi желісі қауіпсіз емес деп ойлаңыз.

5. Түрлі бағдарламаны орната бермеңіз.

Wi-Fi желісіне қосылу үшін қосымша бағдарламалар, сертификаттар және браузер кеңейтімдері қажет емес - мұның бәрін хакерлер Wi-Fi желісіндегі деректерге ғана емес, құрылғының қатты дискісіне де қол жеткізу үшін қолданады.

6. Тек сенімді веб-сайттарға кіріңіз және жеке ақпаратыңызды жіберіңіз.

Қауіпсіздік мақсатында кез келген сайтқа кірген кезде сол сәттен бастап жүйеден шыққанға дейін шифрлануы керек (бұл URL-адрес https-тен басталу керек дегенді білдіреді). Егер сіз шифрланған сайтқа кірдіңіз деп ойласаңыз, бірақ шифрланбаған бетке жіберсе, дереу шығыңыз.

7. Есептік жазбадан шығу.

Есептік жазбаны пайдаланып болғаннан кейін одан шығыңыз.

8. Әртүрлі сайтта бірдей парольді пайдаланбаңыз.

Бірдей құпиясөз сіздің есептік жазбаларыңыздың біріне қол жеткізген адамға көптеген есептік жазбаға қол жеткізуге мүмкіндік береді.

9. Ескертулерге назар аударыңыз.

Көптеген веб-браузерлер алаяқтық веб-сайтқа кірмес бұрын немесе зиянды бағдарламаны жүктемес бұрын ескертеді. Бұл ескертулерді елемеңіз. Сондай-ақ, шолғышты және қауіпсіздік бағдарламалық жасақтамасын жаңартыңыз.

10. Жақын Wi-Fi желісіне автоматты қосылуды өшіріңіз.

Осылайша, сіз жалпыға қолжетімді Wi-Fi-ды қашан және қалай қолданатындығыңызды көбірек басқара аласыз.

11. Бір реттік пароль кодтарын енгізбеңіз.

Қоғамдық Wi-Fi желісінде авторизация беті болуы мүмкін жағдайлар бар. Желіге қосылу нәтижесінде бір реттік код-парольді растау үшін телефон нөмірін енгізу өрісі бар терезе пайда болады. Мұндай жағдайларда авторизация үшін код-парольді енгізу шабуылдаушыға сіздің қызметтеріңіздің біріне кіруге және есептік жазбаның паролін қалпына келтіруге мүмкіндік береді.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!