Президент туристерге Астанада не ұнамайтынын айтты

Мемлекет басшысы елорданы дамыту мәселелері жөнінде кеңесте бас қаланың қай тұсы қонақтардың жағымсыз пікір қалдыруына себепші екені туралы пікір білдірді, - деп хабарлайды Tengritravel.kz тілшісі.

Президент Қасым-Жомарт Тоқаев Астананың ақылды қала және өңірдегі IT-хаб ретінде позициялануы базалық сандық инфрақұрылымның жоғары сапа көрсеткішін меңзейді.

Алайда, оның ойынша, интернет тұрақтылығы және телефон байланысы елордада сын көтермейді.

"Бұл тұрғындар үшін қолайсыз жағдай тудырып қана қоймайды, сондай-ақ қала экономикасына едәуір шығын келтіреді. Астана қонақтары үшін өте жағымсыз әсер қалыптастырады, - деді Мемлекет басшысы.

Осыған дейін мәдениет және спорт министрі Асхат Оралов таяу жылдары Қазақстанда туризм саласын қалай дамытатыны туралы айтқан еді.

Ал Сыртқы істер министрлігінің өкілі шетелде еліміздің азаматтарына деген көзқарас қандай екені туралы айтты.

Саяхат қызықтары мен пайдалы ақпаратты Instagram және Facebook парақшаларынан оқи аласыз!