Пойыздардағы шекаралық тексеру: нені білу керек?

Қазақстанның мемлекеттік шекарасын теміржол көлігімен кесіп өту кезінде шекаралық және кедендік бақылау қалай жүргізіледі және одан өтетін жолаушы өзін қалай ұстауы керек? Толығырақ - Tengritravel.kz материалында.

"Жолаушылар тасымалы" баспасөз қызметі мына ережелерді еске салады.

• Теміржол көлігіндегі мемлекеттік бақылауды мамандандырылған бақылау органдары жүргізеді.
• Бақылау осы органдардың қызметкерлері теміржол станцияларына немесе басқа белгіленген орындарға отырғызылған сәттен басталады және өткізу пунктіне дейін немесе ел шекарасына дейін жалғасады.
• Құжаттарды тексеру тікелей шетелге баратын пойыз вагондарында жүргізіледі. Жолаушылар тексеруге дайын құжаттармен өз орындарында отыруға міндетті.
• Тексеру кезінде дәретханалар мен мейрамхана вагондары жабық болады.
• Жолаушыларға жүруге тыйым салынады.
• Кеден қызметкерлері сапардың мақсаты, оралу мерзімі және шетелде болу орны туралы сұрақтар қоюға құқылы.
• Жолаушылар нақты жауап беруі керек.
• Қол жүгі тексеріледі, егер ақылы багаж болса, ол да тексеріледі.
• Қажет болған жағдайда багажды тасымалдау мақсаттары көрсетілген кедендік декларация толтырылады.

"Кедендік тексеру кезінде барлық қажетті дерек тексеріледі, алайда қызметкерлер пойыз қозғалысының негізсіз кідірістерін болдырмау үшін процесті барынша жеделдетуге тырысады", – деді баспасөз қызметі.

2024 жылдың басынан бастап ұлттық тасымалдаушының пойыздарымен мемлекетаралық қатынаста 673 мыңнан аса жолаушы тасымалданғаны нақтыланды.

Саяхат қызықтары мен пайдалы ақпаратты Instagram және Facebook парақшаларынан оқи аласыз!