Оралда ерекше әдемі көл көзге түсті

Оралдан бірнеше шақырым жерде бор карьерінен әктас өндіріледі. Шуақты күні бұл жерге жету оңай емес. Бірақ бұл жолды еңсергеннен кейін алдыңызда ерекше пейзаж ашылады: ашық көк түсті су мен ақ бор шоқы, - деп хабарлайды Tengritravel.kz тілшісі.

Фотограф Тұрар Қазанғапов су тасқыны туралы репортаж түсіру үшін Батыс Қазақстан облысына барды. Су басқан үйлер мен табиғи апаттың айтарлықтай ауыр зардаптары назар аудартады, бірақ сонда да ойды бөлетін әдемі орын табылады. Бор төбелері карьері Орал мен жақын маңдағы қалалар тұрғындары келетін көрнекті орынға айналған. Көбінесе адамдар көгілдір су фонында суретке түсу үшін келеді.

Жергілікті тұрғындардан бұл жерде үнемі су болатынын білдік. Яғни, бұл көл маусымдық құбылыс емес. Кейде су көп, ал кейде аз болуы мүмкін. Бір нәрсе өзгеріссіз - жарқын және тыныштандыратын көгілдір түс.

Бұл жерге таксимен де, жеке көлігіңізбен де жетуге болады. Рас, біраз жол жаяу жүру керек болады.

Бұл жерді мына белгілерді пайдаланып карталардан табуға болады:

• Батыс Қазақстан облысы Орал қалалық әкімшілігі Зачаганск ауылы;
• немесе 51,145773° 51,350107° координатасында.

Су айдыны ашық көгілдірден қою жасылға дейін өзгеруі мүмкін. Мұның бәрі күннің уақытына, күн сәулесінің түсу бұрышына және жартастардың көлеңкесіне байланысты. Бірақ жергілікті тұрғындар бұл жер әсіресе күн батқанда әдемі болатынын айтты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!