Нұр-Сұлтан - Бішкек рейсі 17 қарашада қайта ашылады
Нұрсұлтан Назарбаевтан Бішкекке рейстер 2021 жылдың 17 қарашасынан бастап қазақстандықтарға қайта қолжетімді болады. Бұл туралы ұлттық әуе тасымалдаушысының баспасөз қызметі жазды, - деп хабарлайды Kaz.tengritravel.kz тілшісі.
Air Astana 17 қарашадан бастап Нұр-Сұлтаннан Embraer E190 - E2 әуе кемесінде екі қала арасында қатынауды бастайды. Енді жолаушылар Қырғызстан астанасына Қазақстанның екі қаласынан, яғни Нұр-Сұлтан мен Алматыдан тікелей ұша алады.
Рейстер сәрсенбі және жексенбіде, ал желтоқсаннан бастап дүйсенбі және жұмада орындалады. Әуекомпания Алматыдан Бішкекке күнделікті рейстер орындайды.
Қырғызстан Республикасының азаматтарын, транзиттік жолаушыларды және 6 жастан асқан балаларды қоса алғанда, Бішкекке ұшатын жолаушылар келгенге дейін 72 сағат ішінде алынған ПТР-тестінің теріс нәтижесі бар анықтаманы ұсынуы тиіс. Бұл талап вакцинацияның толық курсынан өткен жолаушыларға қолданылмайды.
Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!