Наурызда Астана - Баку рейсі іске қосылады

14 қаңтар 2023 09:23

AZAL әуекомпаниясы Бакуден Астанаға сондай-ақ кері қарай ұшады, - деп хабарлайды Trend порталы "Әзербайжан әуежолдары" ЖАҚ баспасөз қызметіне сілтеме жасап.

16 наурыздан бастап әуекомпания Баку - Астана - Баку бағыты бойынша рейстерді орындайды.

Бұл бағытта ұшақтар аптасына екі рет ұшатын болады. Бакуден Астанаға дүйсенбі және бейсенбіде, ал кері қайту сейсенбі мен жұмада орындалады.

Сонымен қатар, Vesti.az мәліметінше, 17 наурызда Әзербайжанның ұлттық әуекомпаниясы Баку - Алматы - Баку бағыты бойынша ұшуды жоспарлап отыр. Рейстер аптасы екі рет орындалады: сейсенбі және жұма күндері.

Әзербайжанға кіру ережелерімен мына жерде танысуға болады.