Медеудегі ұзын-сонар кезек қазақстандықтарды таңғалдырды

Әлеуметтік желі пайдаланушылары "Медеу" мұз айдынының кіреберісіндеге ұзын-сонар кезекке таңғалып жатыр. Желіде тараған видеоға ұйымның баспасөз қызметі түсініктеме берді, - деп хабарлайды Tengritravel.kz тілшісі.

Кадрлардан ұзын-сонар кезекті көруге болады: коньки тепкісі келетіндер бірінен соң бірі мықтап тізіліп тұрады. Бақытымызға орай, адамдар бір-бірін итеріп жатқан жоқ.

Редакция тілшісі "Медеудің" баспасөз қызметіне хабарласты. Компанияның мәліметінше, желіде тараған видео сессияға жарты сағат қалғанда түсірілген.

"Жаппай коньки тебуге қонақтар көп келеді. Кезектер болмай қоймайды. Сонымен қатар, адамдар алдын ала, кейде сессия басталардан 1 сағат бұрын келіп, нысанға кіруді күтеді. Әкімшілік сессия басталғанға дейін кезекті реттеу үшін барынша жұмыс істеді.

Біз әр сеанс үшін билеттер сатылымын талдап, қонақтарды қабылдау схемасын жасаймыз. Кезекті мұз айдынының 15 қызметкері басқарады, олардың міндеті - 2-2,5 мыңға жуық қонақты 7 минутта өткізу. Бұл танымал сессияларға келетіндердің орташа саны", - деп атап өтті баспасөз қызметі.

Адамдар кезектің ұзақтығына қарай 15-30 минутта ашылады.

"Бізде ересектер мен балалар үшін жеңілдіктері бар бөлек арнайы кіреберіс бар. Біз бұл мәселемен күн сайын жұмыс істейміз. Сонымен қатар, сессияға шектеулер қойылған, ең көп саны - 3500 адам. Бірегей нысан - Медеумұз айдынына көп адам келеді. Сондықтан осындай кезек болады. Осы мәселеге түсіністікпен қарауыңызды сұраймыз", - деп толықтырды баспасөз қызметі.

Саяхат қызықтары мен пайдалы ақпаратты Instagram және Facebook парақшаларынан оқи аласыз!