Қызылорда-Семей бағытындағы пойыз вагондары ауыстырылды

ҚТЖ "Қызылорда-Семей" бағыты бойынша жаңа вагондарды іске қосты, - деп хабарлайды Tengritravel.kz тілшісі.

9 сәуірден бастап бұл бағытта жаңартылған пойыз жүреді. "Жолаушылар тасымалы" мәліметінше, барлығы 44 вагон ауыстырылған, оның 29-ы купе, 15-і плацкарт.

Оларда ауаны баптау жүйесі, ауаны тазарту сүзгілері, түтін детекторлары, биодәретхана, сондай-ақ тамбурларда бейнебақылау орнатылғаны көрсетілген. Бөлім электр розеткалары және USB қосқыштарымен жабдықталған.

Фото "Жолаушылар тасымалы" баспасөз қызметі

№21/22 Қызылорда – Семей пойызы күн сайын қатынайды. Компания мәліметінше, жолаушылар пойызы бір жаққа орта есеппен 528 жолаушыны тасымалдай алады.

Фото "Жолаушылар тасымалы" баспасөз қызметі

Сонымен қатар, 2024 жылдың бірінші жартыжылдығында Қызылорда – Семей және Алматы – Сарыағаш бағыттарында қолданылатын 12 вагон жеткізіледі деп күтіледі.

Саяхат қызықтары мен пайдалы ақпаратты Instagram және Facebook парақшаларынан оқи аласыз!