Қытай-Алматы бағытында тағы бір жолаушылар пойызы іске қосылады

Сиань қаласынан (Қытай) Алматыға халықаралық жолаушылар пойызы іске қосылады, - деп хабарлайды Tengritravel.kz тілшісі.

"Жолаушылар тасымалы" баспасөз қызметі мәліметінше, жаңа теміржол қатынасы "Қорғас-Алтынкөл" шекара өткелі арқылы өтеді, бұл туристер мен саяхатшылар үшін ең қолайлы бағыт. Пойыз Үрімші - Алматы-2 бағыты бойынша жүретін № 103/104 жолаушылар пойызы кестесі бойынша жүреді. Алматыға келгеннен кейін пойыз Алматы-2 станциясында бірнеше күн тұрып, жолаушыларға қаланы және оның көрікті жерлерін аралап, жақынырақ танысуға мүмкіндік береді деп жоспарланған.

"Пойыз Алматы-2 станциясында бірнеше күн болады. Осы уақыт ішінде қазақстандық тарап жолаушылар үшін теміржол вокзалында мәдени шараларды ұйымдастыруға көмек көрсетеді", - делінген хабарламада.

ҚТЖ жаңа бағыт Қытай мен Қазақстан арасындағы туризмді дамытуға, сондай-ақ екі ел арасындағы іскерлік байланысты нығайтуға ықпал ететінін атап өтті. Жаңа пойыз Қытайдан туристерді тартады деп жоспарланған, бұл Алматы мен бүкіл Қазақстан экономикасына оң әсерін тигізеді.

Саяхат қызықтары мен пайдалы ақпаратты Instagram және Facebook парақшаларынан оқи аласыз!