Фото @aikera91
Құмкешу ғажайып барқандарына сапар шексеңіз, "Дубайға барудың қажеті жоқ"
Құмкешу барқандары Қостанай облысының Торғай даласының ортасында орналасқан. Бұл жер алғаш келген туристерді таң қалдырмай қоймайды. Табиғаты Дубайға өте ұқсас, туристер Кұмкешуге барғаннан кейін БАӘ-не барудың қажеті жоқ деп әзілдейді. Kaz.tengritravel.kz порталы Aviata.kz сервисімен бірге Құмкешу туристерді несімен қызықтыратыны туралы баяндайды.
Құмкешудың көп бөлігі қатқыл құмдардан тұрады, жұмсақ құм барқандар бірнеше жерде ғана кездеседі. Жоталардағы құрғақ бұталар, ашық эфемерлер, жүзгін, қараған, ақтаспа өсімдіктері шөл даланы безендіреді. Құмдар төбешіктер, жоталар мен шоқылар жасап, желге ұшып жатады.
Посмотреть эту публикацию в Instagram
Құмкешу ауылы шөлге жақын орналасқан. Жергілікті тұрғын, этнограф, ғалым Шөптібай Байдилдин Торғай облысының жерлерін қасиетті деп атауға болатынын айтады, өйткені бұрын 22 әулие осы аумақта тұрып, жерленген (әулиелер - Авторлық ескерту). Ол осы тақырыпты зерттеп, осы өлкенің барлық әулиелері туралы ғылыми еңбек жазды.
Мазар Күлке Қажы әулие. Фото city3d.kz
Құмкешу атауы қазақтың "кұм көшу" немесе "құм кешу" (құмды өткел) сөздерінен шыққан. Өлкетанушы Құмкешуді "көшкен құм" деп түсіндіреді.
"Ертеде бұл жерді шөп басып жатқан. Содан кейін совхоз тұрғызылды. Техинка, адамдар, құрылыс келгеннен кейін құм "көше бастады". Адамдар тоқтап, суретке түседі. Ауылдың сыртына балалар киіз үй тігіп қойды. Бұл халықаралық тасжол болмағаннан кейін адамдар аз жүреді. Бұл аймақтарда туристерге жағдай жасалмаған. Мүмкін, тез өсетін ағаштар отырғызып, турбаза салып, киіз үйлер құрып, қымыз сатса, адамдар жиі келер ме еді. Ал қазір бұл жер суретке түсуге таптырмайтын, демалатын жер", - дейді ол.
Посмотреть эту публикацию в Instagram
Блогер және саяхатшы Амандық Амирхамзиннің әңгімелері бойынша, аймақта осындай бірнеше шөл бар - Тосынқұм, Айырқұм және Құмкешу. Бірақ соңғы орын тас жолдың бойында орналасқан, бұл туристердің келуін ыңғайлы етеді.
"Жол бойындағы шөлдің ұзындығы бес -алты шақырым. Құмкешу Амангелді аймағында, Арқалық - Торғай тас жолының бойында орналасқан. Арқалықтан Құмкешу шөліне дейін - 170 шақырым, Амангелді облысының орталығынан - 28 шақырым. Жақын жерде сол аттас археологтар тапқан ауыл мен қоныс-тұрақ бар", -дейді ол.
Фото @aikera91
Амандық Әмірхамзин Құмкешу құмына апаратын турлар ұйымдастырады. Ол мұнда келген туристер жергілікті халықтың мәдениеті мен тұрмысын көруге қызығушылық танытады дейді.
"Туристерге арналған инфрақұрылым жоқ болғандықтан және біздің аймақ туристік ондықтың бірінші ондығына кірмегендіктен, біз этникалық турларды ұйымдастырамыз. Құмкешуде шағын этноауыл бар - туристерге арналған бірнеше киіз үй. Мұнда сіз ұлттық тағамдардың дәмін тата аласыз, қымыз ішіп, тіпті түнеуге қалуға болады. Болашақта глэмпинг ашу жоспарлануда.
Шаруа қожалығын жүргізетін жергілікті тұрғындар да бар. Біздің тур аясында біз қонақтарды ұлттық тағамдарды қалай дайындайтынын, тұрмыс-салтын және қалай мал бағатындығын көруге шақырамыз", - дейді Амандық.
Фото Амандық Амирхамзин
"Бұл турдың бағдарламасына Торғай геоглифтері, Арқалық қаласы, Амангелді Иманов мұражайы, Құмкешу барқандары, "Алтын дала" қорығының флорасы мен фаунасымен танысу кіреді. Бағыттың ұзындығы 444 шақырымды құрайды", - дейді Амандық Амирхамзин.
Бұл жерлерге барған туристер Дубайдың көріністермен салыстырады. Олардың кейбіреулері тіпті арабтардың киімін киіп, түзде суретке түседі. Амандықтың өзі: "Торғай тұрған кезде бізге Дубай қажет емес", - деп әзілдейді.
Посмотреть эту публикацию в Instagram
Туристер бұл салыстырумен келіседі және карантин кезінде Торғайға сапар Дубайға баруды ауыстырды дейді.
"Бұл жер өте әдемі. Көздің жауын алады. Сары жұмсақ құм, көк аспан мен аптап ыстық күн. Біраз уақыт тіпті мына әлеммен байланысымды үзіп, қайда екенімді ұмытып кеттім", - дейді саяхатшылардың бірі.
Посмотреть эту публикацию в Instagram
Райхан Тәжітайқызы төрт жыл Арқалықта тұрып, бүкіл отбасымен Шақпақ көліне баратын жолда әр жазда Құмкешуді аралайтынын айтады.
"Дубайда сафариде болғандар шынымен ұқсас дейді. Кейде қатты ыстық, құм қызып, аяғыңды күйдіреді. Ал кейде құм көтеріліп, құмды дауылға түсіп кетесіз. Шөлдің ортасында бірнеше киіз үй бар, онда демалуға, қымыз ішуге және тамақтануға болады. Жалпы алғанда, өте ерекше орын. Бір жағынан кәдімгі құмды дала, бірақ фотосуреттер керемет шығады", - дейді Райхан.
Фото @rai_khan92
Жалпы Торғай облысы аумағы бойынша облыстың жартысынан көбін алып жатыр. Бұл аймақтың бай мұрасы - Торғай геоглифтері, "Алтын дала" мемлекеттік табиғи қорығы, Ақкөл, Сарықопа ыстық жер асты көздері мен көлдері, бірқатар тарихи-өлкетану мұражайлары мен ескерткіштері: Ахмет Байтұрсынов мұражайы, Міржақып Дулатов, Амангелді Иманов, Шақшақ Жәнібек Тархан, Кейкі батырдың кешендері, Құтан әулие мен Сатыпалды ишан, Екидын салттық құрылысы (VII-IX ғғ.) туралы көп адамдар біле бермейді.
Амандық Әмірхамзин бұл жерлер шетелдіктер үшін өте тартымды екенін айтады.
"Выживший" фильмінен кейін Леонардо Ди Каприо Моңғолияда Хубсугул көлінің жағасында 10 күн демалды. Ол осы демалыс үшін 95 мың доллар төледі. Киіз үйде тұрып, өзін нағыз көшпендідей сезінді, оларға бұрын-соңды көрмеген жерлер өте қызық", - дейді ол.
Қалай жетуге болады?
Құмкешу құмдары Жангелдин ауданында, Қостанай облысының оңтүстігінде, Торғай ойпатының оңтүстік бөлігінде орналасқан. Құмдар оңтүстік-батыстан солтүстік-шығысқа қарай созылып жатыр. Арқалықтан құмдарға жету үшін Арқалық - Торғай тас жолының бойымен жүріп, тура 173 шақырымды еңсеру қажет. Құмкешу тас жолдың бойында орналасқан. Бір кемшілігі - автобустар ол жаққа бармайды, автокөлікті алдын ала тауып, келісім жасау керек.
Aviata.kz саяхаттауда жауапкершілік маңызды екенін еске салады. Табиғатқа ұқыптылықпен қарайық, балаларымыз тәлім алар табиғат болсын, ал біз ертең қайта оралар жер болуы қажет. Табиғаттың "бізден кейін" қандай болатыны біздің қолымызда.
Әуе және теміржол билеттерін сатып алуға болатын "Авиата" қосымшасын мына сілтеме сілтеме бойынша жүктеуге болады.
