@Shutterstock @Shutterstock

Қазақстанның жолаушылар авиациясы пандемиядан кейін қалай қалпына келді


2021 жылдың 9 айында тасымалданған жолаушылар саны 81 пайызға артып, 6,9 миллион адамға жетті, – деп хабарлайды Kaz.tengritravel.kz тілшісі ҚР ИИДМ Азаматтық авиация комитетіне сілтеме жасап.

Жыл басынан бері өткен жылмен салыстырғанда негізгі көрсеткіштердің өсуі байқалады. Әуежайларда қызмет көрсетілген жолаушылар саны 70 пайызға артты – 12,6 миллион адам (2020 жылдың 9 айы – 7,4 миллион, 2019 жылдың 9 айы - 12,3 миллион адам).

Бүгінде ішкі рейстер толық қалпына келтірілді: аптасына 744 рейс жиілігімен 57 маршрут. Ішкі бағыттар бойынша орташа рейстер саны – күніне 106 рейс, халықаралық бағыттар бойынша - күніне 35 рейс. Сондай-ақ, 23 елмен халықаралық рейстер қайта жанданды.

Қазір қазақстандықтарға аптасына 247 рейс жиілігімен 63 маршрут қолжетімді: Түркия, Корея, БАӘ, Беларусь, Украина, Германия, Өзбекстан, Қырғызстан, Мысыр, Ресей, Грузия, Тәжікстан, Польша, Нидерланды, Черногория, Армения, Ұлыбритания, Венгрия, Мальдив, Әзірбайжан, Катар, Шри-Ланка, Таиланд.

Халықаралық әуе рейстерінің саны біртіндеп артып келеді. Мәселен, жақында Қазақстаннан БАӘ-ге әуе рейстерінің саны артатыны белгілі болды. 2021 жылғы желтоқсаннан бастап Fly Arystan әуекомпаниясы ("Эйр Астана" АҚ компаниялар тобы) Ақтау – Дубай және Шымкент – Шарджа бағыттары бойынша әр бағыт бойынша 2 жиіліктегі рейстерді орындауды жоспарлап отыр.

Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!





Осыған ұқсас мақалалар

Қазақстандықтарды Мысырдан шығару күндері аталды Қазақстандықтарды Мысырдан шығару күндері аталды
Қырғызстан барлық туристер үшін ПТР-тест енгізді Қырғызстан барлық туристер үшін ПТР-тест енгізді
Түркиядағы демалыс лираның құлдырауына байланысты қымбаттай ма Түркиядағы демалыс лираның құлдырауына байланысты қымбаттай ма