Қазақстандықтарға әуежайға ерте келу туралы ескертілді


Жолаушыларды тексеру және тіркеу рәсімдерінен өту үшін Қазақстан әуежайларына алдын ала келу сұралды, - деп хабарлайды Kaz.tengritravel.kz тілшісі.

Air Astana баспасөз қызметінің мәліметінше, бұл 12-30 қыркүйек аралығында қазақстандық әуежайларда күшейтілген қауіпсіздік шараларының енгізілуіне байланысты болып отыр.

Бұған дейін Алматы әуежайының әлеуметтік желілерінде Алматы халықаралық әуежайында алдын алу іс-шараларын өткізу туралы хабарлама пайда болды.

"12 қыркүйектен бастап Қазақстанның авиациялық әкімшілігінің өкімі бойынша Алматы халықаралық әуежайында алдын алу іс-шараларын өткізуге байланысты қауіпсіздікті күшейту шаралары енгізілді. Халықаралық рейстерді тіркеу залының алдында қосымша тексеру желісі орнатылған. Халықаралық рейстермен ұшып шығатын барлық жолаушыдан әуежайға алдын ала келуіңізді сұраймыз. Түсінгеніңіз үшін рақмет!"- делінген хабарламада.


Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!





Осыған ұқсас мақалалар

Қазақстанда әуекомпаниялардың зейнеткерлер үшін қандай жеңілдігі бар Қазақстанда әуекомпаниялардың зейнеткерлер үшін қандай жеңілдігі бар
Еуропаға саяхатты қалай жоспарлау қажет? Еуропаға саяхатты қалай жоспарлау қажет?
Гавайға ұшқан барлық жолаушыларға ерекше сыйлық берілді Гавайға ұшқан барлық жолаушыларға ерекше сыйлық берілді