Қазақстандықтарды Украинадан эвакуациялау: Атыраудан Польшаға екінші ұшақ ұшты

Қазақстандықтарды эвакуациялауға арналған екінші рейс Атыраудан Польшаның Катовице қаласына ұшты, - деп хабарлайды Tengrinews.kz тілшісі Азаматтық авиация комитетіне сілтеме жасап.

"Қазақстан азаматтарына жіберілген екінші ұшақ Атыраудан Катовицеге Нұр-Сұлтан уақытымен 10:13-те ұшты. Катовице әуежайына қонатын болжамды уақыты Нұр-Сұлтан уақытымен 14:19", - делінген хабарламада.

Еске салайық, Қазақстанның 175 азаматы отырған ұшақ 28 ақпанда сағат 22:30-да Алматы әуежайына қонды. Алғашында ол 26 ақпанға қараған түні келеді деп жоспарланған еді. Әуежайда қазақстандықтарды туыстары қарсы алды. Көбі гүл шоқтары, шарлармен келді, кейбіреуі эмоциясын ұстай алмай, жылап қауышты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!