Фото ©Shutterstock Фото ©Shutterstock

Қазақстандықтар Оңтүстік Кореяға визасыз қайта кіре алады


1 сәуірден бастап Қазақстан Республикасының Үкіметі мен Корея Республикасының Үкіметі арасындағы қазақстандық азаматтарға қатысты визалық талаптарды өзара жою туралы келісімнің қолданысын жаңғырту қалпына келтіріледі, - деп хабарлайды Kaz.tengritravel.kz тілшісі СІМ ресми сайтына сілтеме жасап.

"Бұған дейін оны Оңтүстік Корея тарапы COVID-19 пандемиясына байланысты тоқтатты. Енді Қазақстан азаматтары Корея Республикасына 30 күннен аспайтын мерзімге визасыз қайта кіре алады. Корея Республикасында еңбек етуге, білім алуға немесе Оңтүстік Корея аумағында тұруға ниет болған жағдайда тиісті визаны алу қажет", - делінген хабарламада.

Сонымен қатар, қазіргі уақытта шетелдік азаматтардың Корея Республикасына кіруін авторизациялаудың «К-ЕТА» электрон жүйесі жұмыс істейтінін ескеру қажет. Оған сәйкес елге визасыз режим негізінде келетін шетелдіктерге ұшуға дейін кемінде 24 сағат бұрын www.k-eta.go.kr сайты арқылы жоспарланған сапар туралы электрон хабарлама түрінде өтініш беру және содан кейін Оңтүстік Корея билігінің елге кіруге рұқсатын алу талап етіледі. Мұндай рұқсат болмаған жағдайда әуекомпания ұшаққа бортқа отырғызудан бас тартуға мәжбүр болады.

"Бұдан басқа, Корея Республикасына сапар шегетін азаматтарға осы елде қолданылатын эпидемияға қарсы шаралар туралы ақпаратты Қазақстан Республикасындағы Корея Республикасының консулдық мекемелерінде алдын ала нақтылауға кеңес береміз", - деп хабарлады ҚР СІМ баспасөз қызметі.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!





Осыған ұқсас мақалалар

Алматы облысында мектеп оқушыларына "жанды сабақтар" өткізілді Алматы облысында мектеп оқушыларына "жанды сабақтар" өткізілді
Алакөлде пойыздың астынан өткен туристер видеоға түсірілді Алакөлде пойыздың астынан өткен туристер видеоға түсірілді
Қазақ-қырғыз шекарасында туристік автобустар арнайы жолдан өтеді Қазақ-қырғыз шекарасында туристік автобустар арнайы жолдан өтеді