Қазақстандық пойыздарда әйелдер вагоны пайда болды
Қазақстандағы жолаушылар пойыздарында тек әйелдерге арналған вагондар пайда болды, - деп хабарлайды Kaz.tengritravel.kz тілшісі "Қазақстан темір жолы" ұлттық темір жол компаниясының баспасөз қызметіне сілтеме жасап.
"Ұлттық тасымалдаушы осы жылдың 10 қазанынан бастап Алматы - Өскемен және Алматы - Маңғыстау бағытындағы екі жолаушылар құрамында әйел адамдар үшін жол жүру құжаттарын (билеттерді) ресімдеу бойынша пилоттық жобаны іске қосты", - делінген хабарламада.
Баспасөз қызметінің мәліметінше, әйелдер вагондарына билеттерге сұраныс болған жағдайда бұл жоба басқа бағыттарға таралады.
"Сырттай қарағанда ештеңе білінбейді, жүру да құны бірдей, бірақ тек әйелдер купе көршілері болады", - делінген баспасөз хабарламасында.
Мұндай вагондарға "еріп жүретін адам болған кезде жеті жасқа дейінгі ер балалар" да отырғызылады.
Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!