© Shutterstock © Shutterstock

Қазақстандық әуе компаниялар алты айда 4 миллионға жуық жолаушыны тасымалдады


Қазақстандық әуе компаниялар 2021 жылдың бірінші жартыжылдығында 4 миллионға жуық жолаушыны тасымалдады, - деп хабарлайды Kaz.tengritravel.kz тілшісі ҚР ИИДМ Азаматтық авиация комитеті баспасөз қызметіне сілтеме жасап. 

Биыл бірінші жартыжылқтың қорытындысы бойынша отандық әуе компаниялар 3 973 150 жолаушыны, оның ішінде ішкі желілерде 3 488 675 және халықаралық желілерде 484 475 жолаушыны тасымалдады.

"Бір жыл бұрын, COVID-19 пандемиясына байланысты жолаушылар ағынының айтарлықтай төмендеуі байқалды, осылайша 2020 жылдың 12 айында отандық әуе компаниялар 5 260 014 жолаушыны тасымалдады, бұл 2019 жылмен салыстырғанда 27 пайызға төмен", - делінген хабарламада. 

Отандық әуе компаниялардың (Эйр Астана, Scat, Qazaq Air және FlyArystan) болжамдары бойынша ағымдағы жылдың соңына қарай жолаушылар ағынының жалпы саны 9 093 022-ге дейін өсуі тиіс екені айтылады.

"Оның ішінде 2021 жылы "Эйр Астана" АҚ әуе компаниясы - 3 482 790 жолаушы, "Scat" АҚ әуе компаниясы - 1 569 410 жолаушы, "Qazaq Air" АҚ әуе компаниясы - 575 996 және нарыққа жақында кірген FlyArystan әуе компаниясы 3 464 826 жолаушыларды тасымалдау жоспарланған. Осылайша, биыл жолаушылар ағынының саны 2019 жылғы көрсеткіштен (7 227 127 жолаушы) асады деп күтіледі", - делінген хабарламада. 

Жекелеген әуе компанияларда, атап айтқанда FlyArystan өткен ауыр жылға қарамастан, қызмет көрсетілген жолаушылар саны бойынша жыл сайынғы өсімді көрсетеді (2019 жылы - 700 233, 2020 жылы - 1 467 261 және 2021 жылдың бірінші жартыжылдығында - 1 379 400).





Осыған ұқсас мақалалар

Көкті бағындырудың ең қауіпсіз жолы. Қазақстанда парапланмен қай жерлерде ұшуға болады? Көкті бағындырудың ең қауіпсіз жолы. Қазақстанда парапланмен қай жерлерде ұшуға болады?
Гидтің бәрі бірдей біле бермейтін сәулет өнерінің тарихы Гидтің бәрі бірдей біле бермейтін сәулет өнерінің тарихы
Алматы тауларында құтқару үйлері пайда болды Алматы тауларында құтқару үйлері пайда болды