Фото: pixabay.com Фото: pixabay.com

Қазақстанда қалааралық жаңа әуе бағыттары ашылды


Қазақстан Республикасы өңірлерінің көліктік қолжетімділігін арттыру және ішкі туризмді дамыту мақсатында бірқатар субсидияланатын  әуебағыттары бойынша рейстер саны ұлғайтылды және жаңа бағыттар ашылды, - деп хабарлайды Kaz.tengritravel.kz тілшісі ҚР ИИДМ Азаматтық авиация комитенінің баспасөз қызметіне сілтеме жасап.

"Елімізде субсидияланатын рейстер саны артты. "Южное небо" әуе компаниясы тұрақты рейстерді жүзеге асыратын Нұр-Сұлтан – Балқаш және Алматы – Балқаш әуе бағыттарында "Qazaq Air" екінші тасымалдаушысы іске қосылды", - делінген ведомствоның хабарламасында.

Осылайша, Нұр-Сұлтан – Балқаш бағыты бойынша рейстер саны аптасына 6 рейстен 10 рейске дейін ұлғайтылады. Тариф құны - 9 000 теңге.

Алматы-Балқаш бағыты бойынша рейстер саны аптасына 7 рейстен 13 рейске дейін ұлғайтылады. Тариф құны - 10 000-14 000 теңге.

"Qazaq Air" әуе компаниясы "Bombardier Q400" әуе кемелерін іске қосады.

Сондай-ақ, Ақтау - Көкшетау әуе бағыты бойынша рейстер саны 3 рейстен 5 рейске дейін ұлғайтылды. Рейстер "SCAT" әуе компаниясының "CRJ2" әуе кемелерімен орындалады, тарифі 15 000-нан 30 000 теңгеге дейін.

Түркістан қаласының әуежайынан ұшу географиясын кеңейту бойынша жұмыс аясында Ақтөбе (тарифі 20 000 теңге) және Талдықорған (16000 теңге) қалаларына тұрақты рейстерді әр бағытта 2 рейс жиілігімен ашу жоспарлануда. Рейстер "CRJ2" және "Б-737" әуе кемелерінде орындалатын болады.

"SCAT" әуе компаниясы Нұр-Сұлтан – Талдықорған бағытында субсидияланатын рейсті ашады деп күтілуде. Рейстер "Б-737" әуе кемелерінде орындалады.

Ең маңызды жаңалықтар - біздің Facebook парақшамызда! Дəл қазір жазылып алыңыз!
Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!




Осыған ұқсас мақалалар

Шымкенттегі цитадель, немесе бір саяхатта 2200 жылдық тарихты қалай көруге болады? Шымкенттегі цитадель, немесе бір саяхатта 2200 жылдық тарихты қалай көруге болады?
Каприде жол апатынан автобустың 19 жолаушысы зардап шекті, жүргізуші қаза тапты Каприде жол апатынан автобустың 19 жолаушысы зардап шекті, жүргізуші қаза тапты
"52 градус ыстық". Турист Алакөлден Алматыға қатынайтын пойыздың жағдайына шағымданды "52 градус ыстық". Турист Алакөлден Алматыға қатынайтын пойыздың жағдайына шағымданды