Қазақстанда балалар үшін төлқұжат арзанға түсуі мүмкін

Балаларға арналған төлқұжат арзан болуы мүмкін, - деп хабарлайды Kaz.tengritravel.kz тілшісі Inform.kz порталына сілтеме жаса.

"ҚазАқпарат" мәліметтеріне сәйкес, Ұлттық экономика министрлігі 16 жасқа дейінгі балаларға арналған төлқұжат үшін мемлекеттік бажды 8 АЕК-тен 4 АЕК-ке дейін азайту бөлігінде түзетулерді қарастырған заң жобасын әзірледі.

Құжатта Кодекстің 615-бабында 16 жасқа дейінгі балаларға 4 АЕК мөлшерінде паспорт бергені үшін мемлекеттік баж белгілеу бөлігінде түзетулер енгізілген. Егер түзетулер қабылданса, онда балалар төлқұжаты 12 252 теңге тұрады.

Ұлттық экономика министрлігінде бұл түзетулер ең алдымен балалардың төлқұжат алу кезінде ата-аналардың шығындарын азайтуға бағытталғанын атап өтті. Қазіргі уақытта жоғарыда аталған заң жобасы Мәжіліске қарауға енгізілді.

Ұлттық экономика министрлігі заң жобасы жұмыс тобында талқылануда деп қосты. Қашаннан бастап енгізілетіні белгісіз, 2024 жылдан бастап болуы мүмкін.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!