Қазақстанда әуе тасымалы 20 пайызға қымбаттады

2022 жылы әуе көлігі кәсіпорындарының табысы бір жыл бұрынғы 265,7 миллиард теңгеге қарағанда 421,6 миллиард теңгеге жетті, - деп хабарлайды Kaz.tengritravel.kz тілшісі.

Finprom.kz статистикасына сәйкес, құны бойынша өсім бір жыл ішінде 58,7 пайызды құрады. Осы жылдағы ай сайынғы динамикада сектордағы компаниялардың ең көп кірісі тамызда, ең азы қаңтарда тіркелді.

2022 жылдың қыркүйек айының қорытындысы бойынша әуе жолаушылар көлігі қызметтерінің бағасы жылдық қарқынмен 20,4 пайызға өсті. Бағаның ең жоғарғы өсімі Түркістан облысында тіркелді: бір жылда бірден 49,3 пайызға артқан.

Антилидерлердің үштігіне Шымкент (плюс 46 пайыз) және Ақтөбе облысы (плюс 45,9 пайыз) кірді. Бағаның айтарлықтай өсуі Алматыда (плюс 45,1 пайыз) және Шығыс Қазақстан облысында (плюс 38,8 пайыз) байқалды.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!