Манагуа, Никарагуа. Фото @Pixabay Манагуа, Никарагуа. Фото @Pixabay

Қазақстан тағы бір мемлекетпен визасыз режимді мақұлдады


Қазақстан үкіметі Никарагуа үкіметімен визалық талаптарды өзара жою туралы келісім жобасын мақұлдады, - деп хабарлайды Kaz.tengritravel.kz тілшісі.

Қазақстандықтар елге  алғашқы кірген күннен бастап әрбір 180 күндік кезең ішінде Никарагуада 30 күнге дейінгі мерзімге визасыз бола алады.

"Екінші тарап мемлекетінің аумағында 30 күннен артық болуға не оның аумағында еңбек немесе коммерциялық қызметті жүзеге асыруға ниеттенген бір тарап мемлекетінің азаматтары екінші тарап мемлекетінің ұлттық заңнамасына сәйкес талап етілетін тиісті визаны алуы тиіс", - делінген қаулыда.

Никарагуа - Тынық мұхиты мен Кариб теңізінің арасында орналасқан Орталық Америкадағы мемлекет. Оның ландшафтын көлдер, жанартаулар мен жағажайлар құрайды.

Жақында Қазақстан мен Андорра визалық талаптардан өзара босату туралы келісімге қол қойды. СІМ бұл біздің елдеріміз арасындағы алғашқы үкіметаралық келісім екенін атап өтті.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!





Осыған ұқсас мақалалар

Қазақстанда әуекомпаниялардың зейнеткерлер үшін қандай жеңілдігі бар Қазақстанда әуекомпаниялардың зейнеткерлер үшін қандай жеңілдігі бар
Еуропаға саяхатты қалай жоспарлау қажет? Еуропаға саяхатты қалай жоспарлау қажет?
Гавайға ұшқан барлық жолаушыларға ерекше сыйлық берілді Гавайға ұшқан барлық жолаушыларға ерекше сыйлық берілді