Қазақстан мен Армения вакцина паспорттарын өзара тану туралы келісті

Қазақстанның денсаулық сақтау министрі Алексей Цой Армения денсаулық сақтау министрлігінің басшысы Анаит Аванесянмен кездесті. Тараптар екіжақты ынтымақтастықтың басымдықтарын белгілеп, вакциналау паспорттарын өзара тану туралы жариялады, - деп хабарлайды Kaz.tengritravel.kz тілшісі ҚР Денсаулық сақтау министрлігінің баспасөз қызметіне сілтеме жасап. 

Армения Қазақстанда вакцинация паспорты танылған 17-мемлекет болды.

"ҚР аумағында мына елдерде берілген азаматтардың КВИ-ға қарсы вакциналау паспорттары/сертификаттары/анықтамалары жарамды деп танылсын: Аргентина Республикасы, Венгрия, Грузия, Иран Ислам Республикасы, Иордания, Қырғыз Республикасы, Мальдив Республикасы, Моңғолия, Армения Республикасы, Беларусь Республикасы, Молдова Республикасы, Перу Республикасы, Сан-Марино республикасы, Сербия, Тунис Республикасы, Үндістан Республикасы, Филиппин Республикасы, Таиланд, Түркия Республикасы, Эстония Республикасы", - делінген елдің бас санитарлық дәрігерінің қаулысында.

Сондай-ақ, Еуразиялық экономикалық одаққа мүше мемлекеттердің медициналық қолдануға арналған стратегиялық маңызды дәрілік препараттармен және фармацевтикалық субстанциялармен қамтамасыз етілу деңгейін арттыру жөніндегі іс-шаралар жоспары талқыланды

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!