Қайыңды мен Көлсай: туристер кәсіпкерлердің "заңсыздығына" шағымданды

Туристер Қайыңды мен Көлсай көлдерінде болып жатқан "заңсыздықтың" куәсі болғанын айтты, - деп хабарлайды Kaz.tengritravel.kz тілшісі.

Тамыздың соңында алматылық Шакир Исламбакиев Алматы облысының туристер арасында танымал көрікті жерлері - Қайыңды және Көлсай көлдерін аралайды. Алайда, соңғы сапар сын мен наразылық тудырды.

"Қайыңды мен Көлсайға барған сайын сол жерде болып жатқан өзгерістерге таңғаламын. Міне, мысалы, Қайыңдыдағы кішкентай пирстер, әдетте келгендердің бәрі суретке түседі. Одан шынымен, әдемі көрініс ашылады. Бірақ кейбір "шарашкина конторка" пирстерде суретке тек ақылы түсуге болады деп жариялады. Өздерінің кім екенін таныстырудан бас тартты.

Кеңсенің өкілі пирсті өздері салғанын және ол оларға тиесілі екенін айтты, маған құрылысының суретін көрсетті. Сондықтан олардың оған ешкімді жібермеу құқығы бар. Яғни, сіз ең жақсы көріністерді алып, өзіңізді тау патшасы деп жариялайсыз ба"- деп сұрақ қойды ер адам өзінің Facebook парақшасында.

Қайыңды. 2022 жылғы 5 қыркүйек. Фото: instagram.com/234andrey432

Кейін "Көлсай көлдері" мемлекеттік ұлттық табиғи паркінің өкілдері жағдайға пікір білдірді. Олар туристерге Қайыңды пирсіне кіруге тыйым салған адамдармен әңгімелескенін түсіндірді.

"Қайыңды көліндегі ағаш пирс жекеменшік емес. Осы учаскеде фото және видео түсірілім бойынша қызмет көрсететін жеке кәсіпкер шарттық негізде жұмыс істейді. Тексеру барысында оның тарапынан бұзушылық анықталды. Профилактикалық әңгіме жүргізілді", - деп хабарлады ұлттық паркте.

Дегенмен, ұлттық парктің реакциясынан кейін әлеуметтік желілерде қолданушылар жариялаған суреттерде фото және видео түсіруге арналған құрылғы әлі де пирстерде орнатылғанын көруге болады. Алайда, оның иелері туристерге ағаш негізге кіруге тыйым сала ма, жоқ па белгісіз.

Ең маңызды жаңалықтар - біздің Facebook парақшамызда! Дəл қазір жазылып алыңыз!