Каспий теңізінің қазақстандық жағалауындағы қандай жерлерде шомылуға болады?

Каспий теңізінің қазақстандық жағалауында суға түсу маусымнан қыркүйектің соңына дейін созылады. Шілде және тамыз айларында ең жоғары орташа күндізгі температура 31 градус, су температурасы шамамен 23 градус. Туристерді қай жағажайлар қызықтыратыны жайлы Kaz.tengritravel.kz порталы мен Aviata.kz сервисі баяндайды.

Жағажай инфрақұрылымы Ақтау маңындағы Маңғыстау облысында жақсы дамыған. Жергілікті тұрғындар "Манила", "Нұр Плаза", "Достар" және "Маракеш" Ақтаудағы танымал жағажайлар деп атайды. Олардың барлығында отбасылар үшін қолайлы құмды жағажай бар.

"Манила" (қала орталығынан 2,1 шақырым) және "Маракешке" (орталықтан 1,7 шақырым) кіру тегін, олардың жұмыс уақыты 9.00-ден 23.00-ге дейін және 10.00-ден 22.00-ге дейін созылады. "Манила" жағажайының аумағында қонақүй кешені, монша, жазғы дәмхана, киім ауыстыратын орындар, фельдшерлік пункт, душ, дәретхана және құтқару бекеті бар. "Маракеш" жағажайында да осындай инфрақұрылым, сонымен қатар шатыр-мейрамхана және тегін автотұрақ бар.

Екі жағажайда да жабдықтары жалға беріледі және инфрақұрылымды пайдалану үшін ақы төлеуге тура келеді. Шезлонгты жалға алу 500-1000 теңге тұрады. Душты пайдалану шамамен 100-200 теңге тұрады. Эстакада немесе үстелі бар шатырда тұру – сағатына шамамен 1500 теңге. "Манила" жағажайында сонымен қатар жеке заттарды сақтауға, сүлгілерді жалға алуға, үстел ойындарына, барбекюге арналған камералар бар.

Ақтау жағажайларындағы ойын-сауық түрлері бірдей: банан, скутер және катамаранда сырғанау, сонымен қатар судағы аттракциондар. Қайықпен жүру бір сапарға бес мың теңгеден басталады. Катамаранды жалға алу – 1000 теңгеден, балаға су шарын міну – 600 теңгеден, ересек адамға – 800 теңгеден, бағалар ұзақтығына байланысты.

"Достар" (қала орталығынан 2,6 шақырым) және "Нұр Плаза" (орталықтан 1,7 шақырым) жағажайларына кіру ақылы. Кіру бағасы 200 және 500 теңге. Екеуі де сағат 10.00-де жұмысын бастайды, "Достар" 22.00-де, "Нұр Плаза" 00.00-де жабылады.

"Достар" жағажайына кіру ақысына душ пен дәретхананы пайдалану кіреді, ал "Нұр Плазада" шезлонгтар мен қолшатырларды жалға алу да кіреді.

"Достар" жағажайының аумағында екі автотұрақ, балалар ойын алаңы, жазғы дәмхана, мейрамхана, құтқару пункті, фельдшерлік пункт, киім ауыстыратын кабиналар, душ бөлмесі, дәретхана бар. Қолшатыр немесе тент астындағы шезлонгты жалға алу шамамен 1000 теңге, автотұрақ 500 теңге, беседканы пайдалану сағатына шамамен 2000 теңге тұрады.

"Нұр Плаза" жағажайында жазғы дәмхана, фельдшерлік пункт, балалар ойын алаңы, құтқару пункті, киім ауыстыратын кабиналар, душ бөлмесі, дәретхана бар. Ақылы қызметтерге көлікті қою – шамамен 1000 теңге, үстел, орындық пен барбекю жалға алу – 1500 теңге, беседканы жалға алу – сағатына 2000 теңге.

Саяхатшы-блогер Азамат Сәрсенбаевтың айтуынша, арнайы жағажайлардан басқа жабайы суда да жүзуге болады. Оның айтуынша, судың ең суық температурасы Ақтау қаласының маңында, ең жылысы "Кендірлі" демалыс базасы мен Rixos қонақүйінің аумағында, орташа жылуды - Форт-Шевченко қаласына жақын (Маңғыстау облысы) жерден таба аласыз.

Демалыс орталығына қарай жылы суы бар құмды жағажайлар мен үлкен қонақүй Ақтаудан 20 шақырым жерде орналасқан, жақын жерде құрылыс салынбаған бос жерлерді табуға болады. Сондай-ақ, мұнда көптеген демалыс орындары мен ақылы жағажайлар бар.

Биік тастан суға секіргісі келетіндер Форт-Шевченкоға баруы керек, сол бағыттағы жолда "Чертов палец" жартасы бар.

Ақтаудан Форт-Шевченко қаласына дейінгі қашықтық шамамен 140 шақырымды құрайды, оған автокөлікпен немесе автобуспен жетуге болады. Оның солтүстік бөлігінде жүзуге қолайлы бірнеше жабайы құмды жағажайлар бар.

"Чертов палец" шамамен Ақтау – Форт-Шевченко тас жолының 63 және 64-ші шақырымдарының арасында, жағалауға кіре берістегі бұрылыста орналасқан, солға және жоғары қарай жүретін жолға бұрылу қажет. Содан кейін жартастардың үстінен теңізге жаяу түсесіз. Бұл жер жартастан суға секіруді ұнататындар үшін таптырмас орын. Суы мөлдір, бірақ құмды жерлер аз. Мұндай демалыста дене жарақатын алып қалмас үшін барынша сақ болу қажет.

Жергілікті тұрғындар тас жолдың 43-ші шақырымындағы "Сарытас" және көркем "Голубая бухта" жағажайларында демалуға кеңес береді, бірақ бірнеше жыл бұрын Маңғыстау облысының мәслихаты оларды қауіпсіздік үшін тыйым салынған орындар тізіміне енгізген болатын.

Ақтау маңындағы демалыс орындары биыл жағажай маусымын бірінші мамырда ашты. Олар қаладан 15-20 шақырымдай жерде және одан да алыс орналасқан. Жаңартылған прайс бойынша аумаққа ересек адамның кіруі шамамен 2500-3000 теңгені құрайды (жұмыс және демалыс күндері құны әртүрлі), үш жасқа дейінгі, ал кейбірінде жеті жасқа дейінгі балаларға тегін. Қызметтер тізімі, сондай-ақ бағалары да әртүрлі. Көбінесе аумақта беседкалар, эстакадалар, балаларға арналған ойын алаңдары, судағы ойын-сауық орындары бар.

Aviata.kz - үйіңізден немесе кеңсеңізден шықпай-ақ, әлемнің қалаған нүктесіне теміржол және әуе билеттерін кез келген бағытта онлайн режимінде табуға, брондауға және сатып алуға мүмкіндік беретін сервис.

Әуе және теміржол билеттерін сатып алуға болатын "Авиата" қосымшасын мына сілтеме бойынша жүктеуге болады.