Желіде "Алакөлдегі дельфиндер" түсірілген видео таралып жатыр

Қазақстандықтар Желіде Алакөлде жүзіп жүрген "дельфиндердің" видеосын таратып жатыр, - деп хабарлайды Tengrinews.kz тілшісі.

"Алакөл. Бүгін 24 шілде. Мұндай бұрын-соңды болған емес. Біреу дельфиндерді көлге жіберген болса керек", - дейді видео сыртындағы дауыс.

Алайда видео Украинада түсірілген. Оқиға 24 маусымда Одесса ауданындағы Лузановка жағажайында болған. Оны куәгерлер видеоға түсіріп алған, деп жазады Vgorode Одесса. Дельфиндер жағалауға жақын келіп, су шашырата бастаған.

Гидробиолог Владимир Самайчук "Трасса Е-95" сайтында адамдар жиналған жағажайдағы дельфиндердің мұндай әрекеті сирек болатынын айтты. Теңіз жануарларының адамдарға назар аудармай, жағалауға жақын келуі сирек.

Сілтемесіз жаңалық оқисыз ба? Онда Telegram желісінде парақшамызға тіркеліңіз!