Халықаралық әуеқатынас: 35 рейс орындалады, 20-сы кейінге қалады

11 қаңтарда Нұр-Сұлтан қаласынан 27 халықаралық рейс орындалады. Олар Мәскеу, Минск, Дубай, Варшава, Франкфурт, Ташкент, Пхукет, Новосібір, Коломбо, Анталия, Кутаиси қалаларына ұшады. Кейінге қалдырылған не ұшпай қалатын рейстер жоқ. Бұл туралы Азаматтық авиация комитетінің баспасөз қызметі хабарлады. 

Ақтау, Шымкент, Түркістаннан  8 халықаралық рейс орындалады. Олар Гоа, Ыстамбұл, Махачкала, Грозныйға ұшады. Ал Алматы және Ақтөбе қалаларының әуежайынан жоспарланған 20 рейс ұшпайтын болды. Олар Ыстамбұл, Дубай, Мале, Ташкент, Мәскеу, Самарқанд, Коломбо, Шарджа, Баку, Нүкіс.

Жалпы ҚР 35 рейс ұшатын болып жоспарланған ал 20-сы ұшпайды. Нұр-Сұлтан қаласына Lufthansa және Tukrish Airlines әуекомпанияларын айтпағанда толықтай халықаралық әуеқатынасы қайта қалпына келтірілді. 

Айта кетейік, Алматы қаласының әуежайы мен Талдықорған қаласының әуежайын қоспағанда, барлық әуежайлар штаттық режимде жұмыс істейді. Алматы және Талдықорған әуежайлары жағдай тұрақтанғаннан кейін қайта қызмет көрсете бастайды.