Сурет www.facebook.com/airastanakazakhstan парақшасынан Сурет www.facebook.com/airastanakazakhstan парақшасынан

"Эйр Астана" халықаралық әуерейстер санын қысқартады


"Эйр Астана" 2020 жылдың 21 қазанынан бастап Қазақстан Республикасы Денсаулық сақтау министрлігінің нұсқауына сәйкес Түркия, БАӘ, Украина және Германияға орындалатын халықаралық рейстердің санын қысқартады, - деп хабарлайды Kaz.tengritravel.kz тілшісі. 

Әуекомпанияның мәліметінше, Ыстамбұлға апта сайынғы ұшу жиілігі 16-дан 12 рейске дейін, Дубайға - 12-ден 8 рейске дейін, Киевке - үштен бір рейске дейін, Франкфуртқа - алтыдан төрт рейске дейін қысқарады. Әуекомпания Шарм-эль-Шейхке және Мальдивке чартерлік рейстерді орындауға ниетті. Ішкі рейстердің кестесі өзгеріссіз қалады.

"Біз үкіметтердің вирустың таралуын болдырмауға бағытталған әрекеттерін қолдаймыз. Сонымен қатар, саяхат, туризм және демалыс индустриясы жаһандық экономикалық белсенділік пен жұмыс орындарының өсуінің қуатты генераторы болып табылады. Бұл салалардың 2021 жылдың басында толығымен қайта қалпына келуі өте маңызды, әйтпесе қаржылық және әлеуметтік салдары Ұлттық экономика үшін де, адамдардың өмірі үшін де өте ауыр болады. IATA хаттамалары мен Азия-Тынық мұхиты әуекомпаниялары қауымдастығының (AAPA) хаттамаларына сәйкес, халықаралық рейстерге баратын жолаушыларды COVID-19 тестілеу осындай қайта іске қосудың кілті болып табылады", - деді әуекомпанияның президенті Питер Фостер.

IATA зерттеулеріне сәйкес, ұшақ салоны вирустың таралуы тұрғысынан басқа қоғамдық орындарға қарағанда қауіпсіз, ал Жолаушыларды ПТР тестілеу және бортта маска кию инфекцияның таралуымен күресудің тиімді әдісі екені анық. 2020 жылдың басынан бастап бүкіл әлемде әуе саяхаты кезінде небәрі 44 адам COVID-19 жұқтырған, ал осы уақыт аралығында 1,2 миллиард жолаушы тасымалданған, бұл орташа есеппен 27 миллион жолаушыға 1 жағдай. Ұшақтардың қауіпсіздігі, ең алдымен, HEPA-сүзгілерімен жабдықталған, бактериялар/вирустардың 99,9 пайыздан астамын ұстап тұратын әуе кемелерінің ерекшеліктерімен байланысты. Жалпы, салондағы ауа сағатына 20-30 рет жаңарады.


Осыған ұқсас мақалалар

Алматы әуежайына мерзімі өткен ПТР анықтамасымен келген шетелдік депортацияланды Алматы әуежайына мерзімі өткен ПТР анықтамасымен келген шетелдік депортацияланды
Маңғыстауда қоқиқаздарды видеоға түсіруге тыйым салынады - меминспектор Маңғыстауда қоқиқаздарды видеоға түсіруге тыйым салынады - меминспектор
Күн тоғаны және Арыстан бекінісі аталған Қазақстанның ең жұмбақ аймағына саяхат Күн тоғаны және Арыстан бекінісі аталған Қазақстанның ең жұмбақ аймағына саяхат