Еуропадағы 2021 жылы көп адам тасымалдаған әуежай аталды

Еуропа әуежайларының халықаралық кеңесі (ACI) жыл қорытындысын шығарды. Аймақтағы адам көп тасымалдаған әуежайлар туралы Кaz.tengritravel.kz материалында.

"Анадолу" мәліметінше, ұйымның есебіне сәйкес, өткен жылы жолаушылар тасымалы 37 пайызға өсті, ал 2020 жылы пандемия кезінде бұл көрсеткіш 2019 жылмен салыстырғанда 59 пайызға төмендеді.

2021 жылдың соңында Ыстамбұл әуежайы Еуропадағы көп адам тасымалдаған әуежай болды. Олар 36,98 миллион жолаушыға қызмет көрсетті. Екінші жұмыс жүктемесі Мәскеудегі Шереметьево әуежайында тіркелді. Жыл ішінде бұл әуежай 30 943 456 жолаушыға қызмет көрсетті. Үздік үштікті Париждегі Шарль де Голль атындағы әуежай жабады. Бір жыл ішінде 26 201 698 туриске қызмет көрсетілді. Сондай-ақ, сұранысқа ие еуропалық әуежайлардың топ бестігінде Амстердамдағы Схипхол және Мәскеудегі тағы бір әуежай Домодедово кіреді.

"Ковидтік" шектеулерге қарамастан, Ыстамбұл әуежайы жолаушылар саны бойынша және 2020 жылы еуропалық әуежайлар арасында бірінші орынға ие болды. Қарастырылып отырған кезеңде түрік мегаполисіндегі әуе айлағы 23 миллионнан аса жолаушыға қызмет көрсетті.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!