Есік көлі мен Түрген шатқалына апаратын жол жабылды


Алматы облысында туристер Есік көлі мен Түрген шатқалына бара алмайды. Туристік орындарға апаратын жол таудан тас құлап жатуына байланысты жабылды. Ақпаратты Tengrinews.kz тілшісіне Іле-Алатау ұлттық паркі растады.

Демалыс күндері (10-11 сәуір) аймақ тұрғындары мен қонақтарының бір бөлігі Түрген шатқалына, ал бір бөлігі Есік көліне барғысы келген. Алайда ұлттық парк аумағында тауға қарай 5 шақырым ғана жүре алған. Себебі әрі қарай қорық қызметкерлері жолды жауып тастаған. 

"Олар бұдан әрі қозғалуға болмайтынын айтты, өйткені таудан тастар құлап, жолда қауіпті", - деді туристердің бірі.

Іле-Алатау ұлттық паркінің өкілдері бұған дейін өңірде нөсер жаңбыр жауғанын, нәтижесінде жолға тастар түскенін айтты. 

"Түрген шатқалының 20-шақырымында да жағдай осындай: жол төсемі бұзылып, қоршауы сынған. Жол учаскесі "Жол-құрылыс басқармасы 13" балансында. Бірақ қазіргі уақытта олардың тарапынан ешқандай тазарту шаралары жүргізілмеді", - деді қорықтың баспасөз қызметіндегілер.

Ұлттық парк басшылығы Еңбекшіқазақ ауданының әкімдігінен жолды тас пен топырақтан тазартуға көмектесуді сұрайды.

"Аудан аумағында жауын-шашынның түсуі мен жалғасуына байланысты, сондай-ақ ауа температурасының тұрақсыздығынан жақын күндері стихиялық көшкіндер болуы мүмкін. Осыған байланысты қауіпсіздікті қамтамасыз ету мақсатында Есік көліне баратын жол жабылды. Экобекеттен төртінші шақырымға дейін ғана баруға рұқсат етіледі", - деп қосты Іле-Алатау ұлттық паркінің баспасөз қызметі өкілі.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!




Осыған ұқсас мақалалар

Қазақстаннан Амстердамға әуе қатынасы жаңартылып, Черногорияға рейс ашылады Қазақстаннан Амстердамға әуе қатынасы жаңартылып, Черногорияға рейс ашылады
Вакцина салған қазақстандықтар үшін қай елдер ашық? Вакцина салған қазақстандықтар үшін қай елдер ашық?
"Қазақстандағы ерекше сарқырама". Тамшалы шатқалы туристерді несімен қызықтырады? "Қазақстандағы ерекше сарқырама". Тамшалы шатқалы туристерді несімен қызықтырады?