© Тұрар Қазанғапов © Тұрар Қазанғапов

Елордада сауда орталықтары мен кинотеатрлар қай күндері жұмыс істемейді?


Нұр-Сұлтан қаласы бойынша санитарлық-эпидемиологиялық бақылау департаменті басшысының орынбасары Айгүл Шағалтаева сауда және ойын-сауық орталықтары мен кинотеатрлар қай күндері жұмыс істемейтінін айтты, - деп хабарлайды Tengrinews.kz тілшісі.

Шағалтаева Нұр-Сұлтан кәсіпкерлер палатасында бизнесмендермен болған кездесуде алдағы жексенбі күндері - 2020 жылдың 27 желтоқсаны мен 2021 жылдың 3 қаңтары мерекелік күнге жатпайтынын, тиісінше, бұл күндері сауда және ойын-сауық орталықтарының, сауда үйлері мен сауда орталықтарының жұмысына тыйым салынғанын түсіндірді.

Елорданың бас санитар дәрігерінің 2020 жылғы 24 желтоқсанда шыққан қаулысына сәйкес, бұл нысандардың қызметіне жұмыс күндері сағат 10:00-ден 23:00-ге дейін, сенбі және мереке күндері сағат 10:00-ден 20:00-ге дейін рұқсат етілген.

25 желтоқсаннан бастап толымдығы отыратын орындардың жалпы санының 30 пайызынан аспайтын жағдайда қызметін қайта бастауға рұқсат етілген кинотеатрлардың жұмысына келетін болсақ, СОО-да орналасқандарына жексенбі күндері жұмыс істеуге тыйым салынады.

Шағалтаева кинотеатрлар 24 сағатқа дейін барлық сеансын аяқтап, толығымен жабылуы керек екенін айтты.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!


Осыған ұқсас мақалалар

Қыс мезгілінде Өскемен қаласы несімен тартымды? Қыс мезгілінде Өскемен қаласы несімен тартымды?
Қазақстандықтар мұз қатқан суқоймаларында түсірілген видеоларымен бөлісіп жатыр Қазақстандықтар мұз қатқан суқоймаларында түсірілген видеоларымен бөлісіп жатыр
Туристер қазақстандық тау шаңғысы курорттарының бағасы жайында: "Түркияда демалған арзанырақ" Туристер қазақстандық тау шаңғысы курорттарының бағасы жайында: "Түркияда демалған арзанырақ"