Елімізде зейнеткердің үстінен іс қозғалды

Алматының 68 жастағы тұрғыны Вячеслав Югай бортта ауаны баптау және желдету проблемаларына байланысты ұшқыш отырған кабинаның есігін қаққан. Бұл үшін оған әкімшілік іс қозғалды, - деп хабарлайды Tengritravel.kz тілшісі.

Жоғарғы соттың Telgram-арнасында 1 маусымда ер адам Air Astana әуекомпаниясының 179 жолаушысымен бірге ақаулы ұшақта қамалып қалғаны хабарланды. Бір жарым сағат бойы олар қозғалтқышты іске қосуға тырысқан кезде, салонда кондиционер мен желдету жүйесі жұмыс істемеді. Ұшақ командирі мен стюардессалардан қандай да бір ақпараттың болмағандықтан, жолаушылар арасындаы дүрбелең басталды.

"Жұбайым екеуміз тыныс алу проблемаларынан зардап шегетін қарт адамдармыз. Қалыптасқан жағдайда, барлығы ұшақ командирінің нұсқауларын күтіп, аға стюардесса онымен телефон арқылы байланыса алмаған кезде, мен ұшқыштың кабинасының есігін қағуға мәжбүр болдым. Бұл әкімшілік істі қозғауға негіз болды. Осыдан кейін ғана командир ұшақтың есіктерін ашуға рұқсат берді, осылайша біздің азаптарымызды жеңілдетті", – деп еске алды Югай.

Баспасөз қызметтің мәліметінше, нәтижесінде ер адамға әкімшілік құқықбұзушылық туралы кодекстің 434-бабының 1-бөлігі (ұсақ бұзақылық) бойынша Әкімшілік құқықбұзушылық туралы хаттама жасалды. Оның айтуынша, әуе кемесінің бортында ол әуекомпания қызметкерлеріне агрессивті және деструктивті болды.

"Югай кінәні мойындамады. Сотта жанжал туындаған кезде ол балағат сөздер айтпағанын, қоғамдық тәртіпті бұзбағанын түсіндірді. Іс материалдарында құқықбұзушылық оқиғасын растайтын дәлелдемелер жоқ, Югайдың кінәсін растайтын өзге де дәлелдемелер белгіленбеген. Керісінше, бейнежазба арқылы ол айналасындағыларға құрметсіздік білдіретін, қоғамдық тәртіп пен азаматтардың тыныштығын бұзатын ешқандай әрекет жасамағаны көрінеді", - делінген сот хабарламасында.

Нәтижесінде, Вячеслав Югайға қатысты сот ісін жүргізу құқықбұзушылық құрамының болмауына байланысты тоқтатылды.

Вячеслав Югай Алматының әкімшілік құқықбұзушылық жөніндегі мамандандырылған ауданаралық сотының судьясы Тимур Раисовқа істі әділ қарағаны үшін алғысын білдірді.

Саяхат қызықтары мен пайдалы ақпаратты Instagram және Facebook парақшаларынан оқи аласыз!